Boko, April 5: Assam-ni mingsinggipa git ring•gipa Zubeen Garg-ni siani bidingo kakket bichalko nanga aro ia obostarangko politician-rang an•tangtangni namgnina jakkalna nangja ine student dolrang Sonibar salo Boko-ni sorokrangona re•bae jegalanirangko dakangaha.
Jegalenggipa dolrang sorok joljol re•jomanirangko dakenba highway-chipakna re•angna jotton ka•aha indiba police-rang aro administration official-rang uamangko champengaha aro sepangjolo political rally-ko ong•atnasiengani gimin security-rangko bang•bate donsoaha.
Manderangni ding•chaoengmiting somoio ia jegalanirangko ong•atanichi uamangni ka•onanganirangko batataha.
Uamangni duk man•e dongenggipa obostako election-o jera ra•grike rona jotton ka•anina jegalenggipa dolrang an•tangtangni ka•onanganiko parakataha aro ian chanchigija dakgipa kam ong•a ine aganangaha. Ia jegalanirangara kakket bichalko dabianisan ong•aija indiba manderangni duk man•enggipa obostarangni bidingo politics kal•na nangja ine parakatani ong•aha. Assam-ni Assembly election sepangbatroroengon, manderangni gisik-ka•tongchi nangchakgipa obostarangko candidate-rang an•tangtangni campaign-rango bang•bate jakkalroroenga ine nikna man•enga.
Security-rangko done, ia chang kajia-golmal ong•anirangko champengna man•genchimoba, mikkangchi so•sojengjeng ong•gnirangko champengsona police-rang aro authority-rang mikrake dongsoenga.
Na·simang iakoba nina man·gen:
Na·simang iakoba poraina man·gen: Rabha National Council, Assam Assembly election-o Congress-na chakpaaniko on·enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
