Guwahati, Apr 22: Assam-o git ring•anina mingsinggipa Zubeen Garg-ni sianina matnangako man•gipa manderangoni saksa Shyamkanu Mahanta-ni jaminna bi•ani hearing-ko Guwahati-ni fast-track sessions court, Bristibar salona ra•doataha.
Ia bail hearing-ko Budbar pringonin a•bachengahachim indiba dolgnioni jera ra•grikanirang matchotjahani gimin Bristibar pringona kachari ra•doatskaaha.
Iani bidingo, Guwahati High Court-ni senior advocate aro special public prosecutor Ziaul Kamar, kobor ra•timgipa manderangna talate on•angengon, matnanga man•gipa mandeni kosako uamang, chu•onga gita sakkirangko on•manaha aro iandakgipa gadango ia mandena jaminko on•anide kraani ong•jawa ine parakataha.
Kamar-ni parakatani gitade, Budbar salo matnanga man•gipa mandeni jaminna bi•aniko hearing dakanio dolgnini jera ra•grikanirang matchotjahani gimin matnanga man•gipa mandeni pal kachario mikkangpaenggipa ukil, somoiko bi•dapaha aro ia case-ko Bristibar pringona kachari ra•doataha.
Matnanga man•gipa mandeni mobile phone, Aadhar card aro uandakgipa bosturangko on•pilchina mol•molanikoba, Bristibar salon hearing dakangjolgen ineba Kamar aganaha.
Indake ong•engon, Zubeen Garg-ni sianina matnanga man•gipa sakgipin mande Siddharth Sharma-ba jaminna dorgasto galaha indiba da•o dipet uni dorgastokode kachari ra•chakskakujaenga.
Na·simang iakoba nina man·gen:
Na·simang iakoba poraina man·gen: PMGSY-III border ramana NOC-ko on•china Tynsong agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
