Guwahati, Sept 26: Assam police, Sonapur-ni Kamerkuchi-o git ring·anio namen mingsing minggamako man·gipa Zubeen Garg sagiko mande ra·bee so·aniko dakgipa biapo guare ka·aniko champengatanina sak 6 manderang chong·motan bilsi 32 ong·gipa Arup Phukan, bilsi 29 ong·gipa Migam Sharma, bilsi 33 ong·gipa Arup Das, bilsi 32 ong·gipa Hirakjyoti Kakati, bilsi 30 ong·gipa Debasish Thakuria aro bilsi 28 ong·gupa Priyanka Phangso-ko rim·aha. U·iatani gitade, uamang pekgipa ringanirangko ringe pekenba, guare kaaniko champengatenba, ua biapo kam ka·giparangkoba sai manenganirangko dakangaha.
Ua songni manderang ia daka kamko raken jegalatengon, dos dakgipa manderangni kosako rakgipa ja·ku de·aniko dakchina Skotong Minister Himanta Biswa Sarma-o didianiko dakataha. Una agreba uamang, Shraddha ceremony ong·ona kingking Bhagavad Path-ko mingan baksana salanti Nam Kirtan-ko dakna tik ka·angaha.
Assam-ni mingsingbegipa git ring·gipa Zubeen Garg sagiko Kamrup (Metro), Sonapur-ni Hatimura songo mande ra·bee so·aniko dakangaha. Sonapur-ona uni manggisiko pringni 10:55 bajio ra·baaha, jeon bang·a uko namnikgiparang bon·kame mande ra·aniko dakna tom·batokaha.
Zubeen sagini nogipa Palme Borthakur, uamangni nokdangni palo mande so·chakgipa ganchio wa·al so·aniko dakangaha, jeon ka·rimska ripengrang jekai Arun Garg aro Rahul Gautam-ba dongpae bak ra·angpaaha. Zubeen sagiko so·chakgipa biapona sak 85 mangni gita nokdangni manderang aro ba·rima ba·sarang re·angtokaha.
Na·simang iakoba nina man·gen:
Na·simang iakoba poraina man·gen: Tynsong, ANVC & ANVC-B Accord-ko a·bachengatani bidingo tom·aniko ong·atanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
