Guwahati, Dec 22: Sombar salo, Assam a·doko git ring·anina mingsing minggamako man·gipa Zubeen Garg sigini sianio matnangako man·gipa sak 7 manderangko, Guwahati-ni District & Sessions Court-o virtually mikkang pa·ataha. Indake, Court-ni gita re·baenggipa 2026 bilsini January 3 tariko matnangako man·gipa manderangni kosako formally charge-rangko segatna tik ka·angaha.
Advocate Dhrubajyoti Das, matnangako man·giparangko court-o mikkang pa·dilaha. Baksa District Jail-o Shyamkanu Mahanta, Siddharth Sharma, Sandipan Garg baksana police security officer-rang Paresh Baishya aro Nandeswar Borah-ni kosako case-ko segataha. Indake ong·engon, dama doktimgipa Shekharjyoti Goswami aro Amrit Prabha Mahanta-ko Haflong Jail-o rim·e donskaenga.
Zubeen Garg sagini nogipa Dr. Palmee Borthakur, court-o dongpaan baksana kakket bichalko ka·e on·gen ine uamangni nokdangni manderang sorkario, Assam Police-ni SIT aro Judicial-ni kamo ka·donga ine aganangaha.
A·bachengo, Special Investigation Team (SIT) dol, Shyamkanu Mahanta, Siddharth Sharma, Shekharjyoti Goswami aro Amrit Prabha Mahanta-ko Section 103 of the Bharatiya Nyaya Sanhita (BNS)-ni ning·o so·otanina king 2,500 mang jak donggipa chargesheet-ko segataha.
SIT-ni gitade, ia ong·a obosta re·anggipa 2025 bilsini September 19 tariko, Singapore a·songo Zubeen Garg sagini minute 75-na mikselgija sana bananiko ra·na senge dongmitingo ong·aha. Chargesheet-o segatani gitade, uni be·eno bang·bea chu-rang baksana waljatchio tom·bimongani jamano uamang chongipa jahas-o roramangaha, jeon Shyamkanu Mahanta-ko chu on·ani aro Amrit Prabha Mahanta-ko chu-rangko dondikgija ringkame dongna dakchakanina aro sagalo kenbegnigipa kamrangko dakchina didianina gipin manderangko matnangataha.
Na·simang iakoba nina man·gen:
Na·simang iakoba poraina man·gen: Cherry Blossom Festival-ko a•bachengdilgipa Prof Sahoo-na Nature Care Award-ko on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
