Guwahati, Dec 22: Cherry Blossom Festival-ko a•bachengdilgipa Professor Dinabandhu Sahoo-na, re•anggipa December-ni 20 tariko New Delhi-ni Constitution Club of India-o ong•atanggipa program-o Nature Care Initiative, dingtangmancha Nature Care Award 2025-ko on•aha.
Samtangtango ong•telaigiparangko ripinganio chagrongna nanggipa dingtang dingtang neng•nikanirangko namatna ong•telaigipa cholrangchi on•gilanirangko dakahani gimin Prof Sahoo-na ia award-ko on•aha.
Sam-bolrangni gimin ning•tue am•sandigipa scientist Prof Sahoo, India sorkarini Institute of Bioresources & Sustainable Development (IBSD)-ni Director ong•e kamko ka•engmiting somoio, India a•songni skanggipa Cherry Blossom Festival-ko 2016 bilsio, Meghalaya a•dokni skotong Shillong songjinma aro Manipur a•doko a•bachengataha.
Da•o ua, Delhi University-o Botany Department-ni Head aro Research Council-ni Chairperson ong•e kamko ka•engon, a•gilsakni ding•a aro sin•ani dingtangroroenganiko ning•tue am•sandienggipaba ong•a.
1987-1988 bilsirango Antarctica-ona sorkarini scientific expedition dakanioba ua India a•songni skanggipa chatro ong•e bakko ra•aha.
Na·simang iakoba nina man·gen:
Na·simang iakoba poraina man·gen: Nagaland-ni ‘Nagami’ Mithun-ko skanggipa ma•mal ine segata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
