New Delhi, Feb 1: 2021-2022 bilsina Union Finance Minister Nirmala Sitharam-ni parakanggipa a•songni budget-ko da•al Sombar salo a•songni Prime Minister Narendra Modi mittelpilangaha. Sabisini giproroanichi a•songo tangka paisani gita neng•nikanirangko chagrongna nangahani gimin toe aganangengon, ia bilsina budget-ko obostani kri tariaha ine Prime Minister parakataha.
“Ia budget, a•songo songdongenggiparangna, sorkarini kamo tangka paisarangko done kam ka•enggiparangna, karkanarangna aro a•songko rikgipa dolrangna dingtanganiko ra•bana man•gen. Ia budget-na anga Finance Minister Nirmala aro uni dolko mittelpilna ska,” ine PM Modi aganaha.
Ia budget-o chong•mot ong•ani bewalko aro namroro silroroanina ka•donganiko mesokani donga ineba ua aganaha.
Ia bilsina tarigipa budget-ni bidingo talataniko on•angengon, “Chinga ia budget-o a•songni dal•roroanina cholrangko apalbatatna, an•chingni chadamberangna gital cholrangko on•na, kam ka•giparangko ong•katatna, re•a doani kolrangna gital biaprangko tarina, technology-ona re•mikkangna aro gital dake namdapatanirangko ra•bana cholrangko sandiaha,” ine Prime Minister parakataha.
A•songni korosko uni sorkari pangnan jinmani nikaniona ra•bana jotton ka•aha ine janapatengon, ia sorkari pangnan tangka paisarangko niroke, budget-ko dal•batatna jotton ka•enga indiba a•songo songdongenggipa manderangni neng•nikanirangko chel•chakna jotton ka•aha ine PM Modi parakataha.
Prime Minister-ni aganani gitade, ia budget-o ma•mong sorkari, manderangna an•seng baljokanirangko on•an baksana MSME-rangna aro re•a doani kolrangna dingtangmancha gisikko on•bataha.
Me•chikrangni janggi tangani gadangko nambatatna aro altubatatna gita ia budget-o sorkari, ja•kuko de•aha ineba Prime Minister parakataha.
“A•songo kamrangko ong•katatna aro dal•roroanio dakchakaniko on•na gita budget-ko tarianio adita dingtanganirangba dongaha,” ine PM Modi aganaha.
Ia budget-ara an•tango pangchakna man•gipa ramako re•ani gita ong•e a•songo songdongenggipa mande sakantinan namgniko ra•banagipa ong•enga ineba PM Modi aganaha.
“Batanggimin bilsi baksa tosusagenchimode ia chango MSME-na tangka chamani changgni tang•doaha aro ian bilsi 10-na pangchakaniko songani gita ong•enga,” ine Prime Minister parakataha.
Uni minute skuna aganprakanio a•songni Prime Minister, ia budget-o game ge•e cha•enggipa manderangna namgnirangkoba janapangaha.
“A•songo game ge•e cha•ani kamrangko mangrakbatatna gita game ge•e cha•enggipa manderangni man•gniko bariatna gitaba chinga name chanchirimaha. Da•o game ge•e cha•enggiparang altuaen loan-rangko ra•na man•gnok. Ia budget-o a•songni game ge•e man•enggipa bosturangko palchakgipa biaprangko bilakbatatna chinga niamrangko donaha,” ine PM Modi aganaha.
“Uni gimin ia pilak chingni kamrangan ia budget-ni mongsonggipa kamara an•chingni songadam nokadamrangna aro game ge•e cha•enggiparangnan ong•enga ine mesokani ong•a,” ineba Prime Minister parakataha.
