Shillong, April 7: Meghalaya Board of School Education (MBOSE), April jani 7 tariko 2026 bilsini SSLC result-ko parakataha. Ia bilsini pass percentage 86.84% ong·a jean re·anggipa bilsina bate on·tisa komibata maina re·anggipa bilsini pass percentage-ara 87.10% mang ong·achim. Chu·gimik sak 48,623 porikka segiparangoni sak 42,228 chatro chatrirang porikka seanio chu·sokaniko man·aha.
Gorkha Pathshala Higher Secondary School, Shillong-ni Wangaal Lama, 585 marks-rangko man·e merit list-ni skanggipa biapko man·engon, Embee Rosebud Higher Secondary School, Tura-ni Vishal Kumar, 576 marks-rangko man·e 2-gipa biapko man·rikaha. Seven Set Higher Secondary School, Shillong-ni Prajukta Roy and Pechon A Sangma Memorial Police Public Secondary School, Tura-ni Prinita Das sakgnian 575 marks-rangko man·e 3-gipa biapko man·rikskaaha. Sak 3 chatro chatrirang chong·motan—Samdi Mukhim, Nathanael Mantre Laloo, aro Wandarihun Lyngkhoi, chu·gimik 572 marks-rangko man·e 4-gipa biapko man·engon, Jenita Pator, 571 marks-ko man·e 5-gipa ong·skaaha.
Ia bilsini porikkao me·asa bi·sarang 94.14%-ko man·e, 92.88% man·gipa me·chikrangna bate nambatangskaaha.
West Jaintia Hills 94.99%, South West Khasi Hills 94.60% aro East Khasi Hills 94.17%-rangko man·e porikka seanio nambatsranggipa a·jarang ga·akengon, Garo Hills-ni, East Garo Hills 72.33%, North Garo Hills 72.70%, aro South West Garo Hills 74.54%-ko man·e porikka seanio komibate chu·sokaniko man·gipa a·jarango ga·akskaaha.
Porikka seanio 75% aro una bate man·gipa chatro chatrirangna star mark-ko aro 80% ba una bate man·giparangna letter marks-rangko on·angskaaha.
Gimikni gita niatgenchimode, ia bilsini result-rang namgipa aro mangrakgipa ong·ani gisepon, adita a·ja ba jolrangni gisepo adita dingtangrikanirang dongkuenga.
Na·simang iakoba nina man·gen:
Na·simang iakoba poraina man·gen: WGH-o Easter Monday-o a·sel ong·anirang: Sakgni chio sripe sia, sakgniko gari salpaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
