Ampati, Oct 12: “Ek Bharat Shreshtha Bharat”-ko gipatna, 50 Bn BSF, Robibar salni, pring 8:30 bajioni pring 10:00 bajiona BOP Bahadur, South West Garo Hills a·jao, Community Outreach Programme-ko ong·atangaha. Ia tom·bimongani gisepon, Team Kamakhya aro Team Mirengipara-ni gisepo, friendly volleyball match-ko kal·angaha.
Uandake, pringni 10:00 bajioni salni 12:15 bajiona Civic Action Programme-ko uamang ong·atangskaaha. Sepangjolni sima ari jolrango songdonggipa manderangna namgniko on·na inenba, 50 Bn BSF-ni Commandant, Sh. Naresh Singhal, an·tangan nirokatangaha.
Sima ari jolrango skie ra·chakramrang aro sports club-rangko name chalaina man·na gita BSF krenge kamrangko ka·enga. Uandake ua jolo donggipa sorkarini skulrangna dakchakna aro didianiko on·na inenba, Civic Action Programme-ni somoio, kal·susaanio jakkalgipa bosturang, skul bag-rang, ki·taprang, kolomrang aro uandakgiparang, jabol galchakanirang, aro RO plant-rangko sualangaha.
Ia tom·bimonganio BSF-ni manderang aro civil official-rang baksa sak 200-mang songni manderang re·bae bak ra·angaha, aro uamangni miksonganirango dakchakgen aro bakrimgen ine parakangaha. Ua jolo songdonggipa manderang BSF-ni kamrangko mitelangaha aro mikkangchiba iandakgipa programme-rangko ong·atangchina didiangaha.
Na·simang iakoba nina man·gen:
Na·simang iakoba poraina man·gen: Ri Bhoi a·jao IED bomako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
