Williamnagar, Sept 24 : Salgro-salaramni a·bri jolo songdonggipa chongipa jatna dingtangmancha on·gimin bil, 6th Schedule-ko namdapatanio Village Council (VC) aro Municipality-ko ra·gataniko raken jegalna aro manderangni ra·chakna man·gijaniko mesokna lekka pal·takrango seenba Williamnagar DC office mikkango Sukrobar salo jinma jegalangtokaha.
Ia jegalaniko East Garo Hills Nokma Council-ni secretary-chi dakdilangaha aro iako East aro North Garo Hills Nokma Council, Council of Nokmas Headquarter Tura, Mothers Union, FKJGP, GSU, ADE, AAYF, AYWO, FAF, SCF, GGU aro gipinrang nangrime ong⋅atangaha.
Tom⋅anio, 6th Schedule-ni gimin che⋅em-che⋅em agan-talate on⋅angengon, village council-ko ra⋅baanio mikkangchi maidaka neng⋅nikanirangko chagronggenchim uarangni gimin ADE-ni padot Dalseng Bira Momin, tom⋅bagipa jinmana talate on⋅angan baksa, sakantikon iana mikkangchi krimkro ong⋅e ja⋅kurangko ga⋅angchinaba didiangjolaha.
Indake ong·engon, salrang bilongen ding⋅beoba village council-ko A·chik A·songona ra·baaniko jegalna aro ra⋅chakna man⋅gijaniko mesokna gita bang⋅a manderang sokbatokaha.
