Guwahati, Sep 14: A·gilsak gimiko skanggipa second-generation Bioethanol Plant-ko Robibar salo, a·songni Prime Minister Narendra Modi, kulie on·angaha.
Ia karkana baksana Golaghat-o donggipa Numaligarh Refinery Limited-o Polypropylene Unit-naba ua pangchakaniko songe on·angjolaha.
Ia karkanarangko kulie on·angani somoio a·songni Prime Minister, jinmana aganprakengon, ia project-rangara, Assam aro India a·songni namroro silroroaniona re·mikkanganio mingsa chu·sokani ong·a ine parakataha.
Ia Bioethanol Plant-ko gong crore 5000-mang koros ong·e aro ton lak 5 wa·arangko jakkale rikaha aro ia karkanako kulianichi ton 50,000-mang ong·gipa bioethanol ba ong·telaigipa sam-bolrangni tochriko tarina man·gnok.
Ia karkanako kulianio Union Petroleum & Natural Gas Minister Hardeep Singh Puri-ba jinmana aganprakengon, ia project-ko kulianiara Assam-na gisik ra·beani somoi ong·enga ine parakataha.
India a·songo tochri tarichenggipa karkanakoba 1901 bilsio Assam a·dokni Digboi-on kuliaha ine janapatengon, da·alo a·gilsak gimikni skanggipa second-generation Bioethanol Plant-ko a·songni Prime Minister Narendra Modi, a·songna pakwate on·angaha ine Puri aganaha.
Ia tom·anio, Assam a·dokni Chief Minister Himanta Biswa Sarma, Union Minister Sarbananda Sonowal aro gipin dilgiparangba dongpae bak ra·angtokaha.
Na·simang iakoba nina man·gen:
Na·simang iakoba poraina man·gen: India Thailand Joint Military Exercise-ko Umroi Cantt-o ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
