Shillong, June 26: Khasi aro Jaintia-ni dingtang dingtang dolrangni nangrimgimin Jaintia Joint Action Committee Border Issue (JJACBI), Assam-ni Karbi Anglong baksa a·ani kajiarang aro sima ari-ni bidingo neng·nikanirangni a·sel Lapangap songni manderang kal·stekaniko man·enga ine West Jaintia Hills-ni Deputy Commissioner-na lekka sedoaha.
District administration, skotong minister aro gipin officialrang baksa changni chang agangrikanirangko dakgenchimoba ia neng·nikanirangko namatna man·kujaenga, aro Lapangap songni manderangni a·arangko Karbi Anglongni manderang ra·sekanirangko dake namjabatroroenga ine committee-ni manderang parakataha.
Ru·uta somoirangna sima ari-ni bidingo tik ka·anirang dongjani a·selo Karbi Anglongni manderang baksa Karbi Student Association songni manderangni a·arangko ra·sekaniona sokenga ineba uamang aganaha.
Indake uamang adita salrangna skang ong·gipa obostarang, jekai June 25 tariko Assamni manderang a·arangko ra·sekdraani aro gipin namgija kamrangko ka·aniko janapaha.
Memorandum-o seani gitade, namedake sandie ra·aniko dakgijani a·sel aro biaprangko ma·atjani a·sel a·arangko kangdrakanirangona sokenga.
Indake ong·engon, ua jolo tom·tomaniko ra·bana committeeni manderang adita ja·kurangko de·na janapaniko dakaha. Iarangara: ru·uta somoirangoni donchipenggipa sima ari-ni bidingo a·selrangko champengna cholrangko sandiani, Karbi manderangni a·a ra·sekangkuaoniko champengna miktuatgija nirokani, ge·a-gamani kario Lapangap-ni manderangko chelchakani, kajia-golmal ong·anirangko ta·rake sandie namatani aro Lapangap songo policerangko chu·onge rimbae police outpostko donani.
Ia neng·nikanirangko namatna janapgimin cholrangko ra·gatchina ine committee-ni manderang Deputy Commissionerko didiaha aro mikkangchi a·sel ong·gnirangko dontongatna aro ru·uta somoirangna donchipgipa a·ani kajiako namatna iarangko dakna nanga ineba aganaha.
Na·simang ia video-koba nina man·gen:
Na·simang iakoba poraina man·gen: KHADC-o budget-na chanchirimaniko jegala, opposition-ni member-rang tom·anioni ong·kate kata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
