Tura, Sep 19: A·chik Literature Society (ALS) Tura, uamangni Annual General Conference-ko Working Women’s Hostel, Mission Compund, Tura-o ong·atangaha aro ia program-o mongsongbate A·chik ku·sikko aro jatni dakbewalrangko ringpingani gimin chanchirimangaha.
Ia tom·anio Meghalaya Legislative Assembly-ni Speaker Thomas A Sangma aro NEHU, Tura-ni Pro-Vice Chancellor Prof. Famelina K. Marak mongsonggipa sokgipa ong·e bak ra·angaha.
Ia programme-ko NEHU-ni Garo Department-ni chatro chatrirang “Ang’ Song Atchiram Song” gitko ring·mitelachi a·bachengataha aro unbaksana Llewllyn R. Marak-ni segipa “Goerani Mil·am” aro Anitha Ch. Marak-ni segipa “Amani Golporang” ki·tapkoba oprake on·angjolaha.
Speaker Thomas A Sangma jinmana aganprakengon, A·chik ku·sikko ripinge rakkina ALS-ni kam ka·enganina de·mitelangaha aro apsan daken A·chik ku·sikko ripingna songsalni manderangba jak on·pana nanga ine aganaha.
Ku·tangko sea jotachi aro aganritingachi a·bachenge ripingani gimin aganengon, ia A·chik aro Khasi ku·sikko India-ni Constitution-ni Eighth Schedule-o napatna gita Skotong Minister Conrad K Sangma-ni dilanichi sorkariba kamko ka·enga ine Speaker aganaha.
A·chik jatko ripinganio mangrakbatatna ku·sikni mongsonggipa bakko ra·e kam ka·engani gimin Prof. Famelina K Marak talate on·angaha.
Iarangna agreba ia tom·anio, jatni dakbewalrangko dakmesoke mesokangan baksa dingtang dingtang PhD scholar-rangna mande ra·pilskaanikoba dakangaha.
Na·simang iakoba nina man·gen:
Na·simang iakoba poraina man·gen: Bilsi 15-ni ja•man NGH-ba minister man•taiahani gimin ramarangko nambatatna Kharkutta MLA ka•dongenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
