Shillong, Sep 19: Resubelpara-ni MLA Timothy D Shira-ko NPP-chi dilenggipa MDA-2 sorkarini Cabinet-o rimnapahani gimin Kharkutta-ni NPP MLA aro MNREDA-ni Chairman Rupert Momin, a•dokni Chief Minister Conrad K Sangma-ko mittelpilangaha.
Iani bidingo kobor ra•timgipa manderang baksa agangrikengon, bilsi 15-ni ja•man North Garo Hills a•jaba an•tangtangni nanganirangko niatna gita da•o minister saksako man•taipaaha ine Sukrobar salo Momin aganaha.
North Garo Hills a•jaba da•o minister dongpaahani gimin rama jal•langrangko namdapatna man•gnok ineba ua an•tangni ka•dongchakenganiko parakataha.
Mendipathar-oni Songsak-ona dakanggipa rama, Resubelpara-oni 100 beded hospital-ona dakanggipa rama, Kharkutta-oni Darangiri-ona dakanggipa rama aro Mendipathar-oni Krishnai-ona dakanggipa ramarangko tarina nangchongmotengaha ineba ua aganaha.
Adokgre-oni Mangsang-ona dakanggipa ramako tariani matchotana am•engaha ine janapatengon, Mendipathar-oni Songsak-ona dakanggipa ramakoba tarina sorkari tangka paisarangko chamatmanaha ine Momin aganaha.
Resubelpara-ni MLA Timothy D Shira-koba da•o Cabinet minister songahani gimin North Garo Hills a•jani rama jal•langrangba namdapatako man•gnok ine Kharkutta MLA, an•tangni ka•dongchakenganiko parakataha.
Na·simang iakoba nina man·gen:
Na·simang iakoba poraina man·gen: Shillong-o Arogya Fair-ko ong•atenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
