Shillong, Aug 26: A·doko skia-poraianirangko namdapatna aro chubata gadango poraiani cholrangko on·na inenba Meghalaya sorkari Sombar salo Chief Minister’s Scholarship Scheme (CMSS), 2025-ko oprake on·angaha.
Scheme-ni ning·ao klas-11oni PhD-ona kingking Meghalaya-o songdonggipa, a·dokni aro gipin biaprangni recognised institution-rango poraienggipa chatro-chatrirangna bilsiprako tangka 6,000-ko on·gen ine a·dokni skotong minister Conrad K. Sangma a·dokni budget 2025-26-o iako parakataha.
Gipin scholarship-rangoni CMSS-ni dingtanganiara iako galgipa chatro-chatrirang an·tangtangni ma·a-paani tangka man·ani cholrangko janapna nangjawa, uandaken Meghalaya-ni pilak chatro-chatrirang iana galatna man·gen.
Government aro private institution dolgnini chatro-chatrirang aro unbaksana a·songni gipin biaprango ong·gipa sorkari-ni ra·chakgimin institution-rango poraienggipa chatro-chatrirang ia scholarship-na galatna man·gen.
Bilsiprako sak 80,000mang chatro-chatrirang ia scheme-ni namgniko man·gen ine ka·dongsoenga, aro iana a·dok sorkari bilsiprakna kror 48 tangkarangko chamsoenga.
Ia scholarship-na dingtangmancha on·gimin portal-osan online galatna man·aigen (https://meghalayaone.gov.in), jekon September 1 tarikoni a·bachengatgen.
Iana nanggipa lekkarang-ara Meghalaya-o songdonggipa ong·ani sakki jekai MHIS Card, MGNREGS Job Card, EPIC, ba PDS Card, aro unbaksana re·anggipa bilsini marksheet, passport-size photo, aro galatenggipa chatro/chatri-ni poraienggipa biapni bona fide certificate.
Ia scheme-ko ra·baanichi skia-poraianio tangka-paisana neng·nikanirangko namatna ine sorkarini on·kange kam ka·aniko mesoka ine Sangma janapaha.
“Bisa-an an·chingni chadamberangni mikkangchina pangchakani ong·a. Chief Minister’s Scholarship Scheme-chi chinga Meghalaya chadamberangna ka·donge miksongatangna krengna bilko on·enga,” ine ua aganangaha.
Scheme-ni namgnirangko man·na, chatro-chatrirang September 1 tarikoni scholarship-na online galatna man·gen ine education department u·iataha.
Na·simang iakoba nina man·gen:
Na·simang iakoba poraina man·gen: WGH-o drugs badinggipa sakgniko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
