Dibrugarh, Feb 1: Arunachal Pradesh-ni MLA aro Advisor to the Minister for PWD, Hongchun Ngandam, a•dokni Tirap, Changlang aro Longding (TCL) jolrango songdonggipa Wancho jatni manderangko a•ba cha•anirangko dontongatchina mol•molaniko on•ataha.
Samtangtangko ripingna aro janggi tangani cholrangko rakkina chasong gitalni game cha•ani aro samtangtangna nisianiko ra•bagijagipa ge•a-gamani bewalrangko ja•rikchina Ngandam jinmarangna parake aganangaha. Skotong Minister Pema Khandu-ni dilanichi Arunachal Pradesh-ni sorkari manderangna dingtamanchagipa cholrangko on•na jotton ka•enga ine ua aganangaha.
Agriculture aro Horticulture Department-rangchi, dam donggipa rokomrang jekai cha, e•ching aro guerangko ge•e-game cha•ani scheme-rangko a•doko bilakbatenga. A•ani mitimaniko komiatgipa a•ba cha•ani bewalrangni palo ia pangkamgipa ge•e-game cha•ani cholrangko dakanichi manderangna nambata janggi tangani cholrangko on•enga ine ua talatangaha.
Uandake, a•doko donggipa ma•manti sam-bolrang aro do•o-matrangko ripingna dakchakgipa chasong gitalni ge•a-gamani cholrangko ja•rikchina Ngandam manderangko mol•molangaha. Una agreba, burungni do•o-matrangko sikar ka•jachinaba ua air gun jakkalgiparangko mol•molangaha. A•dokni sam-bolrangko ripinga gitan do•o-matrangkoba ripingna nanga inenba, TCL jolni name-sile donganiara sikar ka•aniko gong•raken dontongatanio pangchaka ine ua aganangaha.
Dakrongbewal gita sikar ka•ani aro a•ba cha•anirangko dontonge, nambata cholrangko ra•gatanichi Wancho manderangan Arunachal-ni green revolution-ko dilgiparang ong•na man•gen ine Ngandam ka•dongsoenga.
Na·simang iakoba nina man·gen:
Na·simang iakoba poraina man·gen: Tura Music Academy-ni Theory pass ka·giparangna certificate-rangko sualata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
