Tura, Feb 1: Trinity College London-ni Music Theory Examination ba porikkao pass ka·gipa chatro chatrirangna certificate-rangko sualatna gita Sonibar attamo, dingtangmancha program-ko Tura Music Academy, Tura-ni Bonepa-o donggipa Cariz Banquet Hall-o ong·atangaha.
Ia program-ko ong·atanio, Rough Road band-ni vocalist Muz, mongsonggipa sokgipa ong·e bak ra·angaha aro unbaksana Garo Hills-o mingsing minggamgipa actor sakgni, chong·motan Simon George S Marak aro Jesse James R Marak-ba sokgiparang ong·e bak ra·angaha.
Ia program-ko ong·atanio Tura Music Academy-ni chatro chatrirang aro uamangni ma·a paarangba dongpae bak ra·angtokaha.
Tom·aniko a·bachenganio, Tura Music Academy-ni Director Tengrang R Sangma, jinmana rimchaksoani kattarangko aganangengon, ia certificate sualani program-ko ong·atani bidingo talataniko on·angenba, chatro chatrirangni doka dam·ani aro git ring·aniko skie ra·anio didianiko aro ka·dongbatataniko on·na miksonganian ong·a ine aganaha.
Bi·sarangko doka dam·ani aro git ring·anio nambatatna gita on·kange kamrangko ka·engani gimin aro dingtang dingtang cholrangchi on·giltokengani gimin ua dingtangmancha, ma·a paarangko, chatro chatrirangko aro skigiparangkoba mittelpilangaha.
Bi·sarangni changa sapanirangko namdapatanio ma·a paarangni daitorangko janapangengon, bi·sarangna doka dam·ani aro git ring·aniko gisiko nangbee skie on·engani gimin Tura Music Academy-ni Director, skigiparangkoba mittelpilangaha.
Trinity College London Examination Board-ni ong·atenggipa Music Theory porikkako seanio gamchatanikoba ua jinmana agan-talate on·angaha.
Iani ja·man, Tura Music Academy-o poraienggipa chatrorangoni saksa Alexier Cheangdo B Marak, knatobee piano dokanichi, program-o bak ra·giparangko an·saoatangaha.
Trinity College London-ni Music Theory porikkako re·anggipa bilsio Tura-o ong·ataha aro ia porikkako Tura Music Academy-oni sak 50-na baten chatro chatrirang pass ka·aha. Pass ka·gipa chatro chatrirangna, program-o mongsonggipa ong·e sokgipa Muz, Simon George S Marak aro Jesse James R Marak-ni jakchi sualataha.
Ia tom·anio, Rough Road dolni vocalist Muz-ba tom·anio bak ra·giparangna aganprakengon, doka dam·ani aro git ring·aniko nambate ma·sina gita music theory-ko skie ra·na nangani gimin janapangaha.
Ia gital chasongode chadamberang doka dam·ani aro git ring·anirangko skie ra·na gita bang·en cholrangko man·engaha ine janapatengon, ia cholrangko ra·e, doka dam·ani aro git ring·anirangko nambatatchina gita ua chatro chatrirangko didiangaha.
Ia tom·anio, ma·a paarangoni saksa Jobylline D Shira-ba, jinmana aganprakengon, ia sal somoirango pilak kamrangon susagrikna nangengahani gimin chatro chatrirangni gisepo bimchipani, namgipa gun aro on·kanganiko nangchongmotaha ine aganaha. Uni demechikgipa maikai, uni poraiani aro music-na somoirangko sualgrikna nangenga, uarangni giminba Shira janapangaha.
Bon·kamao, Tura Music Academy-ni skigipa Brorim Marak, knatobee guitar-ko doke mesokangaha aro skigiparangoni saksa Breacken Hill M Marak, mittelpilani kattarangko aganangskaaha.
Na·simang iakoba nina man·gen:
Na·simang iakoba poraina man·gen: Shillong songjinmani project-rangko Dhar mikkang antio nianggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
