Shillong, Feb 4: A•chik aro Khasi ku•sikko Indiani 8th scheduleo ra•napchina Rajya sabhani MP Dr. WR Kharlukhi sukrobar salo dabiangaha. Meghalaya a•dok bilsi 50 ong•pilahaomangba, ia ku•sikrangko, a•songni ming 22 ra•chakgimin ku•sikrang baksa chanchapako man•kujaengani gimin suk ong•gijaniko ua parakangaha. “Angni a•dok Meghalayao mongsongbate jatgni ku•sikrang gnang uan Khasi aro Garo ong•a, ia ku•sikrangko 8th scheduleo napatna a•dokni manderang bang•en kam ka•aha, Meghalaya legislative Assemblyni gitaba passed ka•e watatmanaha. Meghalaya bilsi 50 ong•aniko manipilahaomangba ma•mong sorkari mamingkoan dakkujaenga, ine Dr. Karlukhi aganaha.

Meghalaya a•dokni ku•sikrangko 8th scheduleo napatna rake kam ka•angchina aro bilsi 50 ong•pilgipa a•doko jolni ku•sikko ta•rake uano napatchina speakerkoba Dr. Kharlukhi aganangaha.