Shillong, Aug 25: Sombar salo, Meghalaya a•dokni Chief Minister Conrad K Sangma, Garo Hills Autonomous District Council (GHADC)-ni Chief Executive Membor (CEM), Deputy CEM aro a•dok sorkarini dingtang dingtang official-rang baksa tom•aniko ong•atangenba, GHADC-o ong•enggipa obostarangni bidingo chanchirimangaha.
GHADC-o tangka paisani gita chagrongna nangenggipa neng•nikanirangko namatani bidingo chanchirimangani ja•man, a•dokni damgittam Autonomous District Council (ADC)-rang, chong•motan GHADC, JHADC aro KHADC-o kam ka•giparangna ia 2025 bilsini November ja dipet a•dok sorkari, jaantini dormahako on•na tik ka•angaha ine a•dokni Chief Minister parakataha.
District Council-rangko chalaianio tangka paisani gita neng•nikanirangko chagrongna nange, kam ka•giparang ru•uta somoirangonin neng•nikanirangko chagrongna nangenga ine nikenba a•dok sorkari, ia dal•begipa ja•kuko de•e, kam ka•giparangni dormaharangko on•na tik ka•angaha ineba Chief Minister parakataha.
District council-rango kam ka•giparangna dormaharangko on•na tik ka•ahaoba a•dok sorkari, ADC-rangko chalaianio maming dakeba jak on•paani dongjawa aro district council-rang skango gitan jakgitel ong•gipa bimang ong•angkuaigen ine janapatengon, ADC-rangko chalaianio tangka paisani gita neng•nikanirangko namatna aro ADC-rangni kamrangko namdapatna gitasan a•dok sorkari, kam ka•giparangni dormahako on•na tik ka•angaha ine Chief Minister parakataha.
Chief Minister-ni aganani gitade, ADC-rango kam ka•giparangni dormaharangko on•na gita District Council Affairs department-ni Secretary-ni dilanichi committee-ko songgen indiba apsan somoion District Council-rangko chalaianio tangka paisani gita mangrakbatatna kamrangko ka•skagen.
ADC-rango kam ka•giparangni dormahako on•na tik ka•ani bidingo a•dok sorkari, a•dokni Governor CH Vijayashankar-naba u•iataha ineba Chief Minister parakataha.
Na·simang iakoba nina man·gen:
Na·simang iakoba poraina man·gen: Chatrirangni kosako kragija kamko ka·enganina Boko-o skigipani kosako badi ka·doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
