Shillong, Jun 12: Bristibar salpaksachibara, Air India Boeing 787-8 Dreamliner sildoreng, sak 242 manderangko gate, Ahmedabad songjinmani Sardar Vallabhbhai Patel International Airport-oni London Gatwick-ona bilchakatani ja•man airport sambaon ga•aksrue a•sel ong•aha.
Mikrontangchi nikgipa manderangni u•iatani gitade, ia sildoreng bilchakaton name bildona man•jae, samba gita onbee bilangenba ja•mano a•ao su•teke gopretaha. Ia sildoreng gopretani ja•man wa•alrang ching•gaoe wal•ku ong•aniko bang•a video-rangon niksona man•aha.
Directorate General of Civil Aviation (DGCA)-ni parakatani gitade, bilchakatani ja•man dikdiksani gisepon sildorengni pilot, Air Traffic Control (ATC)-na ia sildorengni obostako u•iataha indiba bakan ia sildoreng a•ao ga•akone gopretaha.
Sildoreng ga•akonani ja•man, ia jol gimikon wal•ku dimikaniko nikna man•aha aro bakan ua biapona wa•al kimitgipa garirangko watataha.
Ua biapo donggipa official-rangni u•iatani gitade, ia biapona ta•raken komibeoba bol 12 ambulance-rangko watataha aro saknaa man•gipa bang•a manderangkon sepangbatgipa hospital-rangona ra•angaha.
Ia a•selni bidingo da•o official-rang am•sandiengkua aro bakan gital koborrangko on•taigen ineba official-rang u•iataha.
Ia sildorengo songreangenggipa sak 242 manderangoni sak 169-de India-ni, sak 53-ni Britain a•songni, sak 7-de Portugal-ni aro saksade Canada a•songni ong•achim ine official-rang aganaha.
Ia sildorengko Captain Sumeet Sabharwal chalaiengachim ineba official-rang u•iataha.
Indake ong•engon, ia a•selni bidingo DGCA am•sandina a•bachengataha aro a•sel ong•gipa sildorengko nina gita Aircraft Accident Investigation Bureau (AAIB)-oniba dolsa official-rangko watataha.
Sildoreng a•sel ong•anio badita sak sina nangahachim da•o dipet official-rang, mamingkoba u•iatkuja.
Ia sildoreng a•sel ong•anina Union Civil Aviation Minister Ram Mohan Naidu Kinjarapu-ba suk ong•gijaniko parakataha aro ua an•tangan a•sel ong•anio ga•akgipa manderangna dakchakanirangko nirokatenga ine u•iataha.
Ia a•selni bidingo sing•sandiatna nangenggipa nokdangrangna Air India-ni gita dingtangmancha 1800 5691 444 emergency nomborko a•bachengataha.
Ia a•selni bidingo Tata Sons-ni Chairman N Chandrasekaran-ba an•tangni suk ong•gijaniko parakatengon, a•sel ong•anio ga•akgipa manderangni nokdangrangna aro dakchakanirangko on•enggipa dingtang dingtang dolrangna uamangba pilak nanga dakchakanirangko on•skaenga ine u•iataha.
Ia a•selna Ahmedabad airport-ko chalaienggipa Adani Group-ni Chairman Gautam Adani-ba an•tangni suk ong•gijaniko parakataha.
U•iatanirangko on•taikujaskal Sardar Vallabhbhai Patel International Airport-o pilak sildoreng bilruraatanirangkoba dontongatchengaha.
Koborko on•ani gitade, ia sildorengni cabin-o kam ka•giparangoni Manipur a•dokoniba sakgni dongachim aro uamangara Kuki jatoni Lamnunthem Singson aro Meitei jatoni Nganthoi Sharma Kongbrailatpam ong•a.
Na·simang ia video-koba nina man·gen:
Na·simang iakoba poraina man·gen: Sak 27 manderangni tol·gipa Birth certificaterangko Hailakandio rim·a man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
