Guwahati, Apr 12: Assam Legislative Assembly election-na pu·onengmiting somoio, election-ni niamrangko pe·aha ine matnangako man·ani bidingo Guwahati Police-rangni okamatako man·enba Robibar salo, Guwahati Central constituency-o Assam Jatiya Parishad (AJP)-ni candidate ong·e susaenggipa Kunki Chowdhury, Panbazar Police Station-o mikkangpaeaha.
Police-rangni u·iatani gitade, Chowdhury-ko Bharatiya Nagarik Suraksha Sanhita (BNSS)-ni Section 35(3)-ni ning·o, election-ni niamrangko pe·aha ine matnanganirang dongani gimin sing·sandianirangko dakna gita Panbazar police station-ona Robibar pringni 11:00 bajio okamataha.
Police-rangna mikkangpaeani ja·man kobor ra·timgipa manderang baksa agangrikengon, uni kosako tol·e matnanganirang donga aro ua police-rangna an·tangni aganna nanganirangko aganaha ine Chowdhury parakataha.
Police-rangni am·sandianirangna ua sengkugen ine janapatengon, ia a·selni bidingo ua an·tangba, Kamrup Metro Election Office-ni kosako badi ka·skaaha aro iani bidingo da·o am·sandianirangko dakenga ine Chowdhury aganaha.
Gauhati High Court-ni ukil Santanu Borthakur-ba kobor ra·timgipa manderang baksa agangrikengon, ian rakgipa matnangani ong·ja aro Chowdhury-ko dokkol ka·e rona FIR ka·anisan ong·a gita nikaia ine parakataha.
Na·simang iakoba nina man·gen:
Na·simang iakoba poraina man·gen: Lumpongdeng-o five-star hotel kulina manchiako namnikpaa ine DC-ni a·kangako jolni manderang jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
