24.3 C
Tura
spot_img

Amit Shah, Sukrobar walo Guwahati-ona sokbaa

Must read

Guwahati, Dec 26: Ma·mongni Union Home Minister Amit Shah, mijal Sukrobar walo, Guwahati songjinmaona sokbaaha. Ua salbrina salgro salaram a·dokrangona re·baahachim.

Guwahati songjinmani LGBI airport-ona sokbaani somoio Amit Shah-ko Assam a·dokni Chief Minister Sarbananda Sonowal baksana finance minister Himanta Biswa Sarma aro gipin dilgiparang, mande ra·bee rimchaksoaha.

“Anga Guwahati-ona sokbaaha aro angko mande ra·bee rimchaksoahani gimin anga Assam a·doko songdongenggipa manderangko angni gisik ka·tong gimikchi mittelpilatenga,” ine Amit Shah, Guwahati-ona sokbaani ja·man social media-o parakataha.

Apsan daken, Assam-ni chief minister Sarbananda Sonowal-ba Union Home Minister-ko rimchaksoe social media-o jinmana parakataha.

“Assam a·doko dingtang dingtang namroro silroroatani project-rangko a·bachengate on·na re·baahani gimin anga mande ra·ako man·na kragipa Union Home Minister Amit Shah-ko rimchaksoa aro uko Assam-o songdongenggipa manderangni pal mittelpilenga,” ine Sonowal, social media-o parakataha.

Assam-ona sokbaani ja·man Union Home Minister, Amingaon-ni dingtang dingtang project-rangko man·chape Bardowa-o Batadrava Than-ko namdapatna aro Guwahati-o gital medical college-na pangchakanikoba songe on·angna siengachim.

Iarangna agreba, Assam a·dokni dingtang dingtang biaprango damsku law college-ko rikna gita pangchakani ro·ongrangkoba ua songe on·angna siengachim.

December-ni 27 tariko Amit Shah, Kamakhya Temple-onaba re·angna sienga aro uni ja·man joljol ua Imphal songjinmaona re·angskagen.

Manipur a·dokni skotong Imphal songjinmao ua, Churachandpur medical college aro hospital-ko rikna, Imphal-o a·dok sorkari guest house-ko rikna aro gipin biaprangko rikna gita pangchakani ro·ongrangko songe on·angskagen ine kobor on·aha.

spot_img

More articles

spot_img
-->

Latest article