Ampati, Jan 25: India a•songni gipin biaprango gitan South West Garo Hills a•jaoba chang 11-gipa National Voter’s Day-ko da•al January-ni 25 tariko maniangaha.
Ia National Voters Day-ko manianio electoral roll-rango gital biming segatgipa chadamberangna aro nambatgipa booth level officer (BLO)-rangna mande ra•pilanirangko dakangan baksana pringni bako kilometre 10 ong•gipa National Voters Day Run-koba ong•atangaha.
Ia National Voters Day-ko Ampati-o District Election Office-ni gita manidilangaha aro ia salko manianio South West Garo Hills a•jani Deputy Commissioner (Election) Ch Ramakrishna, dingtangmancha Voter’s Pledge ba pu•ongiparangni ku•mikchetaniko dilangaha aro dilgiparangko seokanio bakko ra•e a•songko mangrakbatatchina gita chadamberangko aro mongsongbate electoral roll-rango gital biming segatgipa chadamberangko didiangaha.
Ia National Voters Day-ko Ampati-o manianio dongpae bakko ra•anggipa gipin manderangara, SWGH a•jani ADC (Election) SK Marak, ADC aro DRDA-ni Project Director SC Laloo, EAC (Election) Dr WCR Marak aro gipinrang ong•a.
