Shillong, Feb 24: Meghalaya a•dok gimiko anaesthesiologist sakbrisan dongaiani a•sel hospital-rango specialist doctor-rang chu•ongjaengani gimin sorkari, hospital-rango doctor-rangko rakkidapgen ine Mongolbar salo, a•dokni Health Minister Wailadmiki Shylla, Assembly-o parakataha.
Doctor-rangko Medical Recruitment Board gita kamo ra•china uni department didiataha aro iana tangka paisarangko man•soaha ine janapatengon, bakan gital doctor-rangko contractual basis-o kamo ra•gnok ine Health Minister parakataha.
Trinamool Congress (TMC)-ni MLA Dr Mizanur Kazi-ni sing•anina aganchakaniko on•angengon, Tura Maternity & Child Health (MCH) Hospital-o operation theatre-ko chalaigipa dongjaengani gimin gynaecologist-ko rimbana nange, Bhaitbari Community Health Centre (CHC)-o specialist doctor-rang chu•ongjaenga ine Shylla aganaha.
Health Minister-ni aganani gitade, medical officer sakgnide chutti ra•enga aro gynaecologist saksakode Tura MCH-o Operation Theatre-ko chalaigipa dongjaengani gimin aro anesthesiologist dongjani gimin rimbana nangaha.
Specialist doctor-rangko man•dapahaon, Bhaitbari CHC-ko referral unit dakatna miksongenga ineba Shylla aganaha.
Iana skang, Bhaitbari CHC-o sagiparangko sannani bidingo Health Minister, talataniko on•angengon, 2025-26 bilsini gisepo, hospital-o donggipa sak 1840 manderangna sanna bananiko on•aha aro OPD-o sak 51,242 manderangko sanan baksana sak 868 bi•sarangko an•pakaha ine Health Minister parakataha.
Na·simang iakoba nina man·gen:
Na·simang iakoba poraina man·gen: Agartala-Dhaka-Kolkata Maitree bus gari, ja 18-ni ja•man re•piltaina a•bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
