Tura, Feb 24: Meghalaya Forest Department, West Garo Hills-ni Wakrugre-o donggipa Chatibhui-o niamgri koela bikotaniko bon·atna aro manderangko samtangtango donggipa ong·telaigiparangko naljoke rakkina dongimin niamrangko ja·rikatna miksonganio, Office of the Divisional Forest Officer of West aro South-West Garo Hills apsan nangrime, Tura Range-ni gita ia awareness program-ko ong·atangaha.
Divisional Forest Officer Anil Patil, Assistant Conserver of Forest Baggio Ch. Momin, Jongkipara Police Outpost-ni In-Charge baksana dingtang dingtang A·khingni nokmarangba ia program-o dongpae bak ra·angpaaha.
Official-rang, Meghalaya Minor Mineral Concession Rules, 2016 aro Mines and Minirals (Development and Regulation) Act, 1957-ko man·chape dingtang dingtang mongsonggipa mining law-rangni bidingo agan-talate on·angaha. Uamang, niamgri koela bikotanichi samtangtango donggipa ong·telaigiparangna kenchakna nangani baksana maikai koela bikotanina permit-rang jekai Mining Plan-ko ra·chakani, SEIAA/SEAC-oni Environmental Clearance-ko man·ani aro Meghalaya State Pollution Control Board-oniko consent ba bil on·aniko man·achim uni bidingo agan-talataniko dakangaha.
Jinma chanchirimaniko dakanio, a·dokni a·paloni re·bagipa niamgri koela bikotgiparangna kenchakna nangani bidingo Nokma jajrenganiko parakataha, jenan police officer uamangni kosako niamni gita ja·ku de·aniko dakna FIR-rangko segatchina u·iatskaaha. Indake ong·engon, Selsella-ni Nokma, A·khing-ni a·arango niamgri ro·ong bikotanirangko champengatchinaba aro Garo Hills-o donggipa buring bolgrimrangko ripinge rakkichina jolni dilgiparangko didiataha.
Forest Department aro songni dilgiparangni koela bikotanina dongimin niamrangko ja·rikna aro ong·telaigipa gamrangko ripinge rakkina apsan ku·rachakanichi ia program-ko matchotaha.
Na·simang iakoba nina man·gen:
Na·simang iakoba poraina man·gen: Anaesthesiologist-rang chu•ongjaengani gimin doctor-rangko ra•dapgen: Health Minister
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
