Shillong, Feb 24: Shillong songjinmani Khyndailad-o donggipa gitcham MTC depot-o Shillong Business-cum-Tourism & Cultural Centre-ko rikani da•o 86 percent matchotaha aro ia centre-ko re•baenggipa June jani gisepon kulina ka•dongenga ine Mongolbar salo, a•dokni Deputy Chief Minister aro Transport Minister Sniawbhalang Dhar, Assembly-o parakataha.
Assembly-o sing•anirangna aganchakaniko on•angengon, ia project-ko 2021 bilsio, ia biapni acre 1.76 ong•gipa a•ao rikna tik ka•chengaha aro ia centre-ko rikani miksonganiara, ia gamchatbegipa a•ako, office-rangna, conference hall-rangna, restaurant-rangna, dokkanrangna aro gipin cholrangna jakkalna rikanian ong•enga ine Dhar aganaha.
Ia project-na crore 216.347 korosko cabinet ra•chakaha ine talatangengon, ianoni gong crore 154.213 loan-ko HUDCO-oniko, gong crore 45-ko Shillong Smart City Project-oniko aro gong crore 17.13 tangkarangko a•dok sorkarioniko tik ka•aha ine Deputy Chief Minister parakataha.
HUDCO-oniko ra•gipa loan-ko ja•mano gong crore 115.66-ona komiatpilaha ineba Dhar talataniko on•angaha.
Loan-rangko gampilanio da•o dipet watchanga dongkujaenga ineba ua aganaha.
Ia project-na 2023 bilsini February 10 tariko, sorkari, MTC, MUDA aro Shillong Smart City Ltd-ni gisepo soi ka•grikaha ine janapatskaengon, ia project-ni tender-ko komibate dakkigipa, chong•motan GST baksana crore 211.871-o dakkigipana on•aha ine Dhar parakataha.
Na·simang iakoba nina man·gen:
Na·simang iakoba poraina man·gen: M’laya Forest Dept Wakrugre-o niamgri koela bikotanina dongimin niamni bidingo awareness program-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
