Shillong, April 23: India-ni Salgro salaram jolrango ta•raken dal•rorobaenggipa aquaculture sector ba na•tok jilanirangko namdapatani, tangka paisarangko chamani aro bakrime kam ka•aniko mangrakbatatna miksonganio, ‘Northeast India’s Premier Fisheries & Aquaculture Expo’ ine bimingko done, da•o ong•atna sienggipa Aquaex Northeast-ni bidingo parakatna gita kobor ra•timgiparang baksa tom•aniko ong•ataha.
Re·baenggipa June jani 12-13 tariko, National Fisheries Development Board (NFDB), Vee AAR Industries aro Nexgen-ni dakchakaniko man·e Aquaex India Event, ia expo-ko Guwahati-ni Maniram Dewan Trade Centre-o ong·atanggen.
Ia tom·bimonganio gital chanchibewalanirangko u·iate on·angan baksana na·tok jile cha·enggiparangna nambata aro chasong gitalni bewalo na·tok jilani bidingo skie on·a scientist-rang, u·i-ma·sigiparang aro bading chiwalgipa manderangko apsan tom·bana dakchakgen ine ia expo-ko ong·atgipa dolrang kobor ra·timgiparangna u·iataha.
Uasan ong·aigija, Meghalaya a·dokrango gita a·brijolrango a·arang chu·onga gita dongjani a·sel man·enggipa neng·nikanirangko namatani bidingoba iano chanchirimaniko dakanggen.
Ia expo-ko ong·atgipa dolrangni aganani gitade, ian na·tok jile cha·enggiparangni bading chiwalaniko namdapatan baksana India-ni Salgro Salaram jolo gital cholrangko nakatatna gita uamangko bregiparang aro karkanarang baksa nangrimatna dakchakgen.
Na·simang iakoba nina man·gen:
Na·simang iakoba poraina man·gen: M’laya sorkari EGH-o gital Community Reserve-ko ra·gata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
