Itanagar, Feb 03: Arunachal Pradesh-ni Lower Dibang Valley a·ja ning·o ga·akgipa Mayudia songo, bike sale re·angenggipa mande saksako Royal Bengal Tiger chadrapaha aro chike siataha.
Iandakgipa a·selrang ong·aniko nikrongjani gimin ua jolo donggipa manderangna jajrengani aro kenjagokaniko ra·baaha.
Lower Dibang Valley-ni Superintendent of Police Manish Saurya iani bidingo aganengon, ia a·sel ong·chakgipa biapona Police aro Forest dol re·angaha. Ia a·sel ong·anio sianggipa mandeara Arunachal Pradesh Police Head Constable Chikseng Manpung ong·a aro ua Roing Police Station-o radio operator-ni kamko ka·engachim ine Police-rang parakataha.
Ia mandeara, Skotong Minister Pema Khandu-ni Anini-ona re·baani gimin an·tangni duty-ko ka·mane re·bapilengachim ineba SP janapataha.
Indake, Forest Department baksa Police-rang nangrimenba, Mayudia jolo matcharangni re·roroe dongenganiko kobor man·soahani gimin ia a·sel ong·gipa rama gita re·angenggipa bolgni bike-rangkoba champengsoaha ineba Saurya janapataha.
DFO, Roing Mito Rumi-ba, bi·sa manggitam gnanggipa matcha bima-ko ramasamrango aro sorokrangko walni somoio re·roroe roenganiko ua ramako re·pakanggipa manderang nikrongenga ine knasoaha indake ong·genchimoba uamangko gipin biapona apjitatna ja·kurangko de·engaha ine aganaha.
Na·simang iakoba nina man·gen:
Na·simang iakoba poraina man·gen: Shillong-o Reverse Buyer-Seller Meet 2026-ko a•bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
