Shillong, Feb 3: Meghalaya sorkarini Commerce & Industries Department aro Federation of Indian Export Organisations (FIEO)-ni nangrime ong•atenggipa Reverse Buyer-Seller Meet (RBSM) 2026-ko Mongolbar salo, Shillong songjinmani State Convention Centre-o a•bachengataha.
Ia Reverse Buyer-Seller Meet-ko India sorkarini, Micro, Small and Medium Enterprises Ministry-ni ning•o donggipa Raising & Accelerating MSME Performance (RAMP) Scheme-ni ning•o ong•atenga aro ian Meghalaya a•dokni MSME-rangna bading chiwalani cholrangko bilakbatatna miksonge ong•atani ong•enga.
Ia RBSM 2026-ko a•bachengatanio, Meghalaya a•dokni Chief Minister Conrad K Sangma, Deputy Chief Minister aro Commerce & Industries Minister Sniawbhalang Dhar, Chief Secretary Dr Shakil P Ahammed, sorkari official-rang, FIEO-ni official-rang, dam 16 a•songrangoni bregiparang aro a•doktangni MSME-rangba bak ra•angtokaha.
RBSM 2026-ko do•ga oe on•anganio a•dokni Chief Minister, tom•anio bak ra•giparangna aganprakengon, ian Meghalaya a•doknasan ong•aigija salgro salaram jol gimiknan skanggipa Reverse Buyer-Seller Meet-ko ong•atani ong•enga ine ia program-ko ong•atenganina Commerce & Industries Department-ko mittelpilangaha.
Ia program-ko ong•atani miksonganirangko talate on•angengon, RBSM gita dakgipa program-rangko ong•atanichi bading chiwalenggiparango dingtanganiko ra•bana man•gen ine Chief Minister aganaha.
IFAD-ni dakchake on•enggipa Meghalaya Livelihoods & Access to Markets Program (MLAMP)-ni gimin janapatengon, a•bachengode kamrang namjani gimin ia project-ko chipna gita miksonganirang dongachim indiba untalan ia project-ko IFAD-ni nambatsranggipa project-rangoni mingsa ine a•gilsak gimikon mingsingbaaha ine Chief Minister aganaha.
Bosturangko dam nambate palna man•na gita bosturangko taridapani bidingo janapatengon, anarosrangko da•o dingtang dingtang biaprangona watna man•engahani gimin aro self help group (SHG)-rangni holdi tarianiko Chief Minister toe aganangaha.
Ia program-o MSME-rang, bregiparang aro bak ong•paenggipa dingtang dingtang dolrangan mongsonggiparang ong•enga ine janapatengon, ia salgnina ong•atenggipa program namgipa biteko ra•bagen ine Chief Minister, an•tangni ka•dongchakenganiko parakataha.
Ia RBSM-ko do•ga oe on•anganio a•dokni Chief Minister, MeghaRise Logo & Brand aro State Level MSME Portal-koba a•bachengate on•angjolaha.
Ia tom•anio a•dokni Deputy Chief Minister aro Commerce & Industries Minister Sniawbhalang Dhar-ba jinmana aganprakengon, joltangni bading chiwalgiparang aro program-o bak ong•enggipa dingtang dingtang dolrangko mittelpilangenba, ia program-ko ong•ataniara gisik ra•beani ong•gen ine parakataha.
Na·simang iakoba nina man·gen:
Na·simang iakoba poraina man·gen: MGNREGA-ni pal VB-G RAM G Act-ko ra•gatskana tik ka•aniko jegale Congress jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
