Guwahati, July 23: India-ni 11,200 MW Upper Siang multipurpose project-ko Arunachal Pradesh-o rikna miksonganirangko songdonggipa manderang raken jegalani a·selo kamrangko a·bachengatna man·kujaenga. China-ode a·gilsakni dal·batgipa dam-ko Tibet-o Yarlung Tsangpo-ni kosako rikna a·bachengskaengaha.
Dam-ko rikanichi songdonggipa manderangna bang·a neng·nikanirangko man·gen ine Arunachal Pradesh-o Upper Siang multipurpose project-ko jegalenga.
Ia project-ko ta·rakbate kam ka·atna man·na inenba, ma·mong sorkari Arunachal Pradesh sorkari baksa bakrime, songdonggipa manderangni ka·donganiko man·na aro kamrangko a·bachengatna skang biapko nie ra·chengna, kror 350 Special Development and Livelihood programme-ko manderangko on·enga.
May 21 tariko, Siang chibimani ka·machipak chongipa song damsa, Beging-o songdonggipa manderang National Hydroelectric Power Corporation-ni (NHPC) manderangko dam-ko rikna biap dam-gittamoni damsa- Parong-ona re·ange biapko nie ra·aniko dakaoniko champengaha. Damgipinrangara Dite Dime, jean Siang chibimani km 8 kosakchipak ong·a aro Upper Siang-o donggipa Ugeng ong·a.
A·dokni ning·o donggipa NHPC dol-ko biap melia-meligijani report aro projectni gimin talatani report-ko tarichina on·aha. Ia biapko nie ra·anirangko pangchake, damgittam biaprangni a·arangko nichenge, dam-ko rikna biap damsako basegen.
Songdonggipa manderang NHPC dolni Parong-ona sokon, uamangni ra·bagimin bosturangko aro kolrangko nosto ka·aha, uandake uamangko re·angpilchina draataha.
Uni ja·mano wachikarini sokbaanichi pilak dakna nanggni kamrangko September-rangona kingking dontongataha.
Tibet-oni jokbae, Yarlung Tsangpo Arunachal Pradesh gita India-ona sokbaa, aro uko iano Siang ine mingskaa, jean Brahmaputra-ona jokanggipa mongsonggipa bak ong·a. Siang-na agreba gipin jokanggipa chiringrang jekai Dibang aro Lohit, Assam-ni Brahmaputra-o nangdimea.
A·dok aro Ma·mong sorkari-ni aganani gitade, 11,200 MW Upper Siang Multipurpose dam-ko rikanichi China-ni mega dam-onni jokbaenggipa chi-rangko champengsona man·gen.
Na·simang iakoba nina man·gen:
Na·simang iakoba poraina man·gen: IIT Guwahati-o tangka gamna nangnirangko baridapataniko chatro-chatrirang jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
