Guwahati, July 23: IIT Guwahati-ni ritchani ritcha Research scholar-rang aro Mtech-ko poraigipa chatro-chatrirang jinma Mongolbar salo tom·dake, uamangni tangka gamna nanganirangko namen bariatahanina campus-ko ning·o jegale walona kingking re·jomanirangko dakaha.
July 17 tariko open session-ko IIT-G-ni Director ong·atdilaha aro uano student affairs aro academic affairs-ni deanrang aro IITG administration-ni senior official-rang bakko ra·e, tangka gamna nanganirangni gimin chanchirimanirangko dakahachim indiba uamang kattatangko donjaha aro Ph.D-rangna agreba BTech aro Mtech-rangnaba tangka gamna nanganirangko bariataha.
Uandake July-Nov semesterni PhD chatro-chatrirangna semester registration-na July 22 tarikko on·genchimoba, jegalanirangko dake bang·bata chatro-chatrirangan gamna gong·jaha.
IIT Guwahati-o ka·dongna man·gipa dolrangni aganani gitade, PhD dakenggipa chatro-chatrirangni gamna nanganirang odd semester-na (July-Nov) gong 10,900 bariaha, Jan-May 2025 semester-na gong 34,8000-oni Jult-Nov semestersna gong 45,700 bariaha.
Una agreba, ma·mongoni IIT Guwahati-na House allowance on·genchimoba, PhD poraienggipa chatro-chatrirang nok parana dingtangmancha gamna nangkuenga ine uamang matnangaha.
Dingtang dingtang gamna nanganirang jekai medical fee, hostel rent, hostel fund, aro bijoli aro chi-rangko jakkalaninaba mamung talatani gri gamna nanganirangko bariataha ine IIT-ni chatro-chatrirang matnangangkuaha.
IIT Guwahati annual fest Salgro Salaram India-ni gisepo dakchakaniko man·batgipa maniani ong·genchimoba, uko chalaigiparang chatro sakprajo semester ge·prako gong 1300-ko ra·enga ine chatro-chatrirang jegalanirangko dakenga.
Mongolbar salo, research scholar-rang/PhD dakenggipa chatro-chatrirang an·tangni departmentni office-rangona re·angon, administration-o kam ka·giparang uamangko semester registration fee-ko gamkuja ine semester-na bimung segatna on·jaha ine matnange, uamangni kosako jegalanirangko dakaniona sokaha ine kobor ra·timgiparang parakataha.
Uandake da·asalni bakoba jegalanirang ong·angkugen aro BTech poraigipa chatro-chatrirangba uamang baksa jegalanirangko bakrimgen ine koborrangko man·soaha.
Ia report-ko on·ani somoi-ona kingking ia obostarangni bidingo IIT Guwahati-ko chalaienggiparang mamung parakatanirangko dakkujaenga.
Na·simang iakoba nina man·gen:
Na·simang iakoba poraina man·gen: Tangka cha·boke cha·gipa sak 11-ko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
