Guwahati, July 23: Tangka cha·boke cha·gipa sak 11 manderangko Chirang Police dol rim·aha.
Ia manderangara, Afsar Uddin, Matleb Ali, Abdul Awal, Akher Ali, Saddam Hussain, Golap Hussain, Mir Kashem, Anwar Hussain, Jiarul Islam, Manju Ali aro Surman Ali ong·a aro uamang Bijni Police Station-ni ning·o ga·akgipa Bijni-oni ong·a ine u·ina man·aha.
Kobor ra·timgiparang baksa agangrikengon, ia manderangni kosako batanggimin sal 15-na skangan Imran Hussain minggipa mande Binni Police Station-o badi ka·angaha aro uni aganani gitade, matnanga man·gipa Afsar Uddin, Mahatma Gandhi NREGA job card-ni tangkako chipe on·gen ine tol·enba uni jikgipani SIM Card aro bank account-ko am·e ra·angaha aro uamangni account-o donggipa gong lakh 1 tangkarangko ra·enba bank account-ko block ka·e donaha ine Chirang SP Akshat Garg aganaha.
Ia manderangni kosako Information Technology Act, 2000 baksana Bharatiya Nyaya Sanhita-ni section-o pangchake cha·boke cha·ahanina aro sakgipin gamko cha·oanina mokordomako segataha.
Ia matnanga man·gipa manderangoniko, ge 31 ATM card, ge 26 SIM card, kingsku cheque book aro king chi·gni passbook-rangko Police-rang man·aha.
Na·simang iakoba nina man·gen:
Na·simang iakoba poraina man·gen: Williamnagaro so·ota man·e sianggipako gisik ra·na mombatirangko so·e jinma tom·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
