Shillong, Aug 16: Budbar salo, West Jaintia Hills regional committee aro West Karbi Anglong committee-ni dilgiparang, Khanduli jolona re•angenba, ia jolo songdongenggipa Pnar aro Karbi manderangko grongeaha.
West Jaintia Hills regional committee-ko Meghalaya a•dokni Deputy Chief Minister Sniawbhalang Dhar dilangaha aro unbaksa MLA Comingone Ymbon, MLA Nujorki Sungoh, West Jaintia Hills a•jani Deputy Commissioner BS Sohliya, SP C Syrti aro JHADC-ni Chief Executive Membor Thombor Shiwat-ba dongpaaha.
Assam a•dokni committee-ko Minister Piyush Hazarika dilbaskaaha aro unbaksa MLA Rupsing Teron aro West Karbi Anglong-ni DC aro SP-ba dongpaskaaha.
Ia dolgni committee-rang, Khanduli-ni Entry Tax Gate aro Zero Point-ona re•ange nieaha.
Khanduli-ona re•ange ia jolrango songdongenggipa Pnar aro Karbi manderangko grongani ja•man kobor ra•timgipa manderang baksa agangrikengon, Khanduli songko nieani ja•man da•o uamang Assam aro Meghalaya a•dokni chief minister-rangna report-ko on•anggen ine Assam-ni Minister Piyush Hazarika parakataha.
Ia biapo Karbi Anglong Autonomous Council (KAAC)-ni kuligipa Entry Tax Gate-ara Karbi manderangonikosan kajina gilna gita kuliahachim ineba Hazarika parakataha.
Ia jolrango ong•enggipa obostarangko ta•raken namatna ka•dongenga ineba ua parakataha.
Iakoba poraie nina man·gen: M’laya a•dokni skanggipa bio fertilizer unit-ko Conrad kulie on•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
