24.6 C
Tura
spot_img

Assam-Meghalaya-ni gitcham IPS LS election-o susaana sia

Must read

Guwahati, April 28: Assam-Meghalaya-ni cadre gitcham IPS officer Anand Mishra, re•baenggipa Lok Sabha election-o susaanggen ine parakataha. Ua an•tangni kam ka•aniko Garo Hills-o a•bachengataha, indake Garo National Liberation Army (GNLA) dolko bon•atna uni ka•dongbee kam ka•anirangnaba uko u•itokachim.

Da•al salni bako social media-o video ge•sa upload ka•gipao, uni election chakatani bidingo skatang jangbingani gimin ua talate on•enba, Bihar-ni 33-Buxar LS seat-na susaaniko dakna gita May-ni 7 tariko nomination file ka•anggen ineba parakataha. “Chinga 2024 Bihar Lok Sabha Election-o 33-Buxar LS Seat-na susaaniko dakna gita nomination file ka•na sienga, uni gimin sakantikon salni 10 bajio  re•bapachina okamaniko, X-o parakataha.

Advertisement

Mishra, Buxar-ni manderangna an•tangko on•kange kamko ka•na aro je dolo ong•gen ong•oba corruption-ko bon•atna kamko ka•gen ine aganangaha. Angni ia campaign ka•ani angni saksani ong•ja indiba Buxar-ni pilak manderangni dakgrikanisa ong•a ine ua agandapangkuaha.

Uni Meghalaya-o kam ka•engmiting somoio, ua mande saksako onnia ka•aha aro ge•sa dolni dilgipa saksakoba kragija dakaha ine tol•e potanirangkoba man•ahachim. Iana agreba,  South Garo Hills-ni Baghmara-oba ukil saksako onnia ka•aha ineba potako manaha. Uni jaman, ua Assam-ni adita district-rangoba kam ka•aha, chongmotan Charaideo, Dhubri, Nagaon aro North Lakhimpur biaprango ong•a.

Advertisement

2023 bilsini December jao, Mishra an•tangni IPS kam wataniko parakataha aro songsalni namgnina manderangna dangdike on•na skaniko aro jakgitele janggi tangna skaniko parakjolataha.

A•bachengode, Mishra Lok Sabha electionko Bharatiya Janata Party (BJP)-ni ticketo susana manchisoengachim. Indiba BJP dol una ticketko on•na jechakani a•sel, uni atchiram a•dok Biharni Buxar Lok Sabha constituency-oni independent candidate ong•e susana gita re•angskaaha.

Batanggimin jarango, Mishra uni constituency- o re•jojoenba pilak jatni aro dingtang dingtang gadangni manderang baksa uamangni dukni aro kusini kattarangko agan-golpogrikaniko dakangaha. Uni nokantichi re•e manderang baksa golpogrikanichi ua jolni manderang mai neng•nikanirangko man•engachim aro mai kamko ka•e ia neng•nikanirangko bon•atna amgen iarangko gisiko ra•e jinmana ku•rachake susaaniko dakna miksongenga.

Na·simang ia video-koba nina man·gen:

Na·simang iakoba poraina man·gen: Tura-o dumper gari bolsa bike bolsako salgaktaiani Update

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article