Tura, Apr 28: Garo Hills-ni dingtang dingtang biaprango dumper truck garirangni skatang salanichi bang·en a·sel ong·anirangko nikna man·engon, Robibar saloba Tura-ni Danakgre jolo, dumper truck gari bolsa ta·rakdugae re·baenba, bike bolsako salgaktaiaha aro truck garichi salgakako man·enba, bike salgipa mande, bilongbee saknaanirangko man·na nangaha.
Koborko on·ani gitade, truck garichi salgakako man·gipa mandeara, Rajabala jolo donggipa Balachanda songni bilsi 37 ong·gipa Rakseng M Sangma ong·achim aro a·sel ong·ani somoio ua Rajabala-oni Tura-chipakna re·baengachim.
Robibar pringni 10:27 bajimango, Tura-oni Garobadha-chipakna re·angskaenggipa dumper truck gari bolsa, uko Tura-ni Matchikol bibrao salgakaha aro uni bike-ko kilometre 2-mang ong·pile Bokmagre-ona kingking salchapangaha.
A·sel ong·anichi ia mandeni jakrani ja·a bilongbee mata bu·aniko man·aha aro da·o dipet uko hospital-ona ra·ange doctor-rang obostarangko niengkua.
Bike-ko salgakgipa dumper truck garini registration nombor-ara ML-08K 0925 ong·achim aro ia gariko ja·man police-rang rim·e, Araimile police station-ona ra·angaha. Bumper truck gariko salgipa mandeara Singimari-oni Kazimudin minggipa mande ong·achim aro da·o dipet ia mande, police-rangoni kate dongkuenga.
Adita salrangna skang, Tura-ni Ballonggre joloba, scooty bolsako dumper truck gari bolsa salgakahachim aro ia a·sel ong·anichi me·chik bi·sa sakgnioni saksade ja·a samsako gimaatna gita nangahachim.
Dumper truck garirangni iandake skatang salronganichi bang·en a·sel ong·anirangko nikna man·rongengon, salni somoirango maming champengani gri iandakgipa garirangko jilla ning·a gita re·na on·engani gimin bang·a manderangan district administration-ko sing·doattokaha.
Dal·dalgipa truck garirangko jilla ning·o napna gita dingtangmancha somoiko done watchina gitaba district administration-ko didiattokaha.
Ramarango gari gora jakkalgiparangko mikrakbate nirokchina aro rakgipa niamrangko ra·gatchina gitaba manderang, district administration-ko didiataha.
Na·simang ia video-koba nina man·gen:
Na·simang iakoba poraina man·gen: B’desh-ni mande sakgniko Assam-o rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
