Shillong, July 26: Assam aro Mizoram a•dok damgnini simarangoba meligrikgijanirang ong•engon, Assam-ni Cachar aro Mizoram-ni Colasib a•ja samba jolo dolgni sipairang gogriktaiaha.
Batanggimin somoirangoba a•dok damgnian, a•doktangtango napna jotton ka•enga ine matnangenba, dolgnini gisepo so•sojengjeng ong•anirangko nikna man•ahachim.
A•dok damgnini simao dolgni sipairang gogriktaiani ja•man a•dok damgnini chief minister-rangan, ia neng•nikaniko namatchina gita Union Home Minister Amit Shah-na social media gita sedoattokaha.
Amit Shah-ni Shillong-ona re•bae, salgro salaramni chief minister-rang baksa tom•e chanchirimangani ja•man ia a•dok damgnini gisepo gital dake so•sojengjeng ong•aniko knasona man•taiaha.
Iani bidingo Assam-ni chief minister Himanta Biswa Sarma aro Mizoram a•dokni chief minister Zoramthanga-ba social media gita saksa sakgipin baksa agangrike ia so•sojengjeng ong•aniko namatna ku•rachakgrikaha.
Read more at:
Assam-Mizoram simao gogriktaia, a•dok damgnini CM-rang Amit Shah-na sedoata
