Kolasib, July 26: Assam aro Mizoram a·dokni simarango meligrikgijanirangko namatna gita dolgni asonge agangrikna jotton ka·engon, Sombar pringo Assam-ni police-rang, Mizoram a·dokni Vairengte-o donggipa IR Post-ko ra·sekna miksonge napdraangtaiaha ine Kolasib-ni DC parakataha.
Koborko on·ani gitade, a·dok damgnini gisepo maming so·sojengjeng ong·anirang dongtaijana Assam a·dokni ning·o donggipa Hailakandi aro Mizoram a·dokni ning·o donggipa Kolasib-ni deputy commissioner-rang, ku·rachakgrikahachim indiba Sombar pringo Assam police, ia songgigrikaniko pe·e Mizoram a·dok ning·ona napdraangtaiahani a·sel dolgnini gisepo so·sojengjeng ong·na a·bachengtaiaha.
Vairengte-o donggipa IR Duty Post-ko je cholchiba uamang chel·chakgen ineba Kolasib-ni DC Dr H Lalthlangliana parakataha.
