Guwahati, April 11: North East Dairy and Foods Limited-ni (NEDFL) chalaienggipa Purabi Dairy, financial year 2025-26-o bading-chiwalanirango kror ₹400-na baten tangkarangko man·enba, uni dal·roroanirango gong·raken ja·ku de·enga ine Rongali Bihu-na skang uni cooperative-o tom·bimonganio parakataha. Purabi Dairy-o kam ka·giparang, bakrimenggipa dolrang aro media-ni manderang ia tom·aniona re·bae bak ra·angaha.
Assam-ni dingtang dingtang biaprango Purabi-ni cha·anirangko bregipa manderang bang·batroroengaha ine NEDFL-ni Managing Director, Satya Brata Bose jinmana parakataha. Dud aro doi-rangko bang·a manderangan bree cha·ronganichi cooperative dal·rorona man·enga aro cha·anirangni gisepo doi-an manderangni brebatgipa cha·ani ong·a ine ua aganangaha. Adita somoirangna skang a·bachengatgipa chi·gipa cha·anirangko manderang namnike ra·chaktokaha ineba ua aganangaha.
Financial year 2025-26-ni gisepo, salprakon cooperative-oni lak 1.6 litre dudrangko palna man·aha ine Bose parakataha. Manianirang aro uandakgipa salrango, salprako lak 2 litre-rang ong·nasipile dudrango palnanga. Uandake bilsiprakon Purabi Dairy-ni dal·roroani 33 percent-mang ong·enga, aro ian manderangni ka·dongni batroroenga, aro uamangni cha·anirang bang·bata biaprangonan sokangenga ine mesoka ine Managing Director agandapangaha.
Una agreba, a·bachengani somoio cooperative-ni gita 2,000 litre dud-rangko salprako palanichi a·bachengaha ine ua aganangkuaha. Purabi Dairy mikkangchiba gital cha·anirangko a·bachengatna miksongenga jekai ice cream stick-rang, choco bar-rang, aro dudniko tarigimin gipin cha·anirang. Bilsini bilsina uamang bang·bata cha·anirangko taridapna, cha·anirangni rokomrangko bang·dapatna, aro manderangni namnikgipa cha·anirangko tarina krengenga.
Indake ong·engon, Assam Dairy Development Plan salprako lak 10 litre dudrangko man·na krengenga ine Purabi Dairy-ni HR department-ni Meghali Kumar aganangaha. Cooperative-ni gita salanti dudrangko man·anian lak 2.5 litre-rang ong·aha ine ua janapangaha. Dudrangko bang·bate man·na aro dairy sector-ko bilakbatatna ine artificial insemination-rangko (AI) aro matchu-matte jilgiparangna dakchakani programme-rangkoba ong·atenga.
Cooperative-ni chu·sokanio matchu-matte jilgiparangan mongsonggipa kamko ka·a ine Kumar aganangkuaha. Purabi Dairy baksa kam ka·enggipa matchu-matte jilgiparang da·ode Assam-ni dingtang dingtang biaprangko sak 58,000 manderangni gita donga, aro uandaken a·dokni songo-noko janggi tanggiparangna nambata cholrangko man·enga aro a·doko dud aro uandakgiparangko man·anio bilakbatenga.
Uandake, matchu-matte jilgiparang aro bree cha·giparangni dontonggija dakchakanirangchi, re·baenggipa bilsirango Assam-ni dairy sector-ko bilakbatatna aro dal·roroatna dakchakgen ine official-rang ka·donga gnang parakataha.
Na·simang iakoba nina man·gen:
Na·simang iakoba poraina man·gen: TTAADC election-na bang·a naljokatgiparangko tarisamsoan baksana EVM machine-rang baksa polling dolrangko Tripura-ona watata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
