Guwahati, June 17: Indian Space Research Organisation (ISRO), Assam-o chi ban re·aniko champengsona gita Flood Hazard Zonation Atlas-ko jinmana parakataha aro ia Atlas-ko Union Minister Amit Shah-ni jakchi New Delhi-o oprake on·angaha.
Ia Atlas-ko National Remote Sensing Centre (NRSC) aro unbaksana National Disaster Management Authority (NDMA) aro Assam State Disaster Management Authority (ASDMA) nangrime bilsi 26 mang somoi ra·e am·sandianiko dakenba tariaha aro uamangni am·sandie nianio a·dokni dam 35 a·jarang aro uni ning·o donggipa dam 173 biaprang chi ban re·anina kenchakna nangani donga ine u·ina man·aha.
Sandirikite nianio man·ani gitade, Assam a·doko chi ban re·ronggipa biaprang 27.08 lakh hectare-mang gnang aro unoni 18.22 lakh hectare-mang ni gitade ge·a gamanina jakkalgipa biaprang ong·a aro bilsiantian wachini somoio chi ban re·anichi ia biaprangko chi mriprongenga ine nikna man·a. Indake ia Atlas-o ongipa gadangoni chubatsranggipa gadangona gadang bonga mang gnang ine ge 389 satellite-rangchi sandie nianio man·aha.
Flood Hazard Zonation-ara chi ban re·anichi nosto ong·ataniko champengsoani mingsa chol ong·a aro a·doko badita biaprang chi ban re·anio nosto ong·atako man·aha uarangko ma·sie ra·na dakchaka. Iani ning·o badita biaprang chi ban re·anina kenchakbatna nangenga uarangko janapaha aro iako 1998-2023 bilsimangni gisepo chong·motan bilsi 26 mangni gisepo Indian aro Foreign satellite-rangchi am·sandiaha.
Ia bilsirangni gisepo am·sandie chi ban re·ani a·sel 70% oni 80% mangni gita Bajali aro Morigaon a·jarango chi mripanichi nosto ong·atako man·aha aro apsan daken Sivasagar, Nagaon, South Salmara, Lakhimpur, Nalbari, Dhemaji, Barpeta aro Hojai a·jarangoba 50% oni 70% mangni gita chi ban re·anichi nosto ong·atako man·ha. Indake dam 19 a·jarang 30% oni 50% mangni gita aro gipin bangki dongkuenggipa a·jarango 30% mangni gita chi ban re·anio nangchakeako man·aha ineba u·ina man·aha.
Na·simang ia video-koba nina man·gen:
Na·simang iakoba poraina man·gen: ONGC gas selanio neng·nikenggipa nokdangrangna Assam CM dakchakna ku·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
