Baghmara, Jun 17: South Garo Hills a•jani Badri Rongdong songo rikgipa Chitmang Chaiwat Nature-Based Glamping Project-ko Mongolbar salo, Meghalaya a•dokni Chief Minister Conrad K Sangma a•bachengate on•angaha.
Ia Chitmang Chaiwat Eco-Tourism Project-chi ia songo hectare 21.48 ong•gipa a•arangko tangatpilna man•aha aro ia project-chi chirangko chu•onga gita man•a, tourism-ko tang•doatna, bolrangko ge•anichi buring bolgrimrangko tangatpilna aro songni nokni manderangna janggi tangani cholrangkoba on•na man•aha.
Ia project-ni ning•o, A•chikrangni dongchakgipa nokrang aro PVC dome tent-rang baksa Tourist Cabin Complex-koba rikaha aro ian gipin biaprangoni re•baenggipa manderangko nokchakna chol ong•an baksana jolo bading chiwalgiparangna tangka kamaiani cholrangba ong•aha.
Ia project-ko a•bachengate on•anganio a•dokni Chief Minister, jinmana aganprakengon, songni nokni manderangna namroro silroroaniko ra•baani aro pangkamgipa janggi tangani cholko on•anio sorkarini ka•enggipa kamrangni giminba janapangaha. Ia project-ara a•doko eco-tourism-na dakmesokgipa ong•na cholrang donga ineba ua aganaha.
Ia project-ko a•bachengate on•anio, Meghalaya Assembly-ni Speaker Thomas A Sangma, PHE Minister Marcuise N Marak, Education Minister Rakkam A Sangma, Power Minister Abu Taher Mondal, Mahendraganj MLA Sanjay A Sangma, Kharkutta MLA Rupert Momin, Bajengdoba MLA Pongseng Marak, Rongjeng MLA Jim Sangma, Baghmara MLA Kartus Marak aro gipinrangba dongpae bak ra•angaha.
Na·simang ia video-koba nina man·gen:
Na·simang iakoba poraina man·gen: Assam-o chi ban re·aniko champengsona Flood Hazard Atlas-ko oprake on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
