Guwahati, Oct 1: Assam police dolrang git ring·anina mingsing minggamako man·gipa Zubeen Garg sagini siani chong·mot a·selko am·sandiniko dakna bil ama dipet jottonrangko ka·engani gisepon, Assam-ni DGP Harmeet Singh skatang tol·gipa kattarangko giproroatjachina manderangko didiataha. Special DGP (CID) Munna Prasad Gupta, Mutual Legal Assistance Treaty (MLAT)-ni ning·o mongsonggipa am·sandianiko dakna police dolsa Singapore-ona ta·raken re·anggen ine u·iatengon, rim·a man·a jamanoba matnangako man·gipa manderango uamangni phone-rang dongachim ine tol·gipa koborrangko jegalataha.
Special Investigation Team (SIT), Northeast Festival-ni Chief Organiser Shyamkanu Mahanta aro Zubeen Garg-ni Manager Siddhart Sharma-ko rim·enba, Section 61 (2), 105 aro 106 (1) of the Bharatiya Nyaya Sanhita (BNS), 2023-ni ning·o uamangni kosako case-koba segataha. Police dolrang uamangni mobile phone-rang baksana Sharma-ni ra·bitenggipa Zubeen-ni mobile phone-koba rim·aha.
CID dol, X (twitter)-o tol·gipa koborrang ba AI-chi tarigipa jachipchangrangko giproroatjachina u·iatengon, saoba manigija dakgenchimode uamangni kosako rakgipa ja·ku de·anirangko dakanggen ineba mikrakataniko on·ataha. Jorhat-o gisik ra·e mande ra·aniko dakengon, Zubeen-ni nogipa Palmee Borthakur dos dakgipa manderangko rim·anina uni gisiko ritchenganiko parakatengon, uni nokdangni manderang police dolrang aro CID-na chakpaaniko on·enga ineba u·iataha. Jorhat-na Zubeen-ni gisiko ning·tubegipa ka·saani baksana bi·samiting somoio uamangni ia bipao apsan re·atgimin salrangko ua gisik ra·atpiltaianiko dakangaha.
Akhil Gogoi, dos dakgipa manderangko rim·anina dikdiksa jingjengataniko dondikatengon, kakket bichal ka·e on·aniko ru·utatanina aro matnanga man·gipa manderangko chel·chakanina a·dok sorkarini kosako matnangataha. Iani gisepon, ua Tanmoy Phukan, Sandipan Garg aro gipinrangko rim·chinaba u·iatengon, judge- o nirokanio ia case-ko CBI-na pakwatatchinaba dabianiko dakataha. Una agreba, Shyamkanu Mahanta-ni tom·bimonganirangko ong·atanio tangka paisani gita tik ong·gijanina Rinki Bhuyan Sharma-koba rim·china aro Endorcement Directorate (ED)-ko am·sandianiko dakchinaba ua u·iataha. Skotong Minister, dos dakgipa Shyamkanu-na chel·chakaniko on·enga ine matnangatengon, 2026 bilsini election-na skang iako name matchotatja ong·ode ia case-ko tol·e taridapanirangko daknaba donga ineba Gogoi mikrakataniko on·ataha.
Na·simang iakoba nina man·gen:
Na·simang iakoba poraina man·gen: NEHUNSA, ru·uta somoirang NEHU EC-ni tom·bimonganiko ong·atgija donanina Minister-ni dakchakaniko bi·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
