Jaipur, Dec 6: Budhbar salo, Rajasthan Jaipur-ni ex-servicemen-rangna, Headquarters Directorate General Assam Rifles-ni ning•o, Mega Assam Rifles Ex-servicemen Rally-ko Rajasthan-ni Jaipur-o ong•atangaha.

Ia re•jomaanio A•dokni dingtang dingtang a•jarangoni sak 200-na batpile ex-servicemen-rang ba a•songna dangdike kamoni neng•take dongenggipa manderang jekai Gallantry award-ko man•giminrang, Veer Nari-rang, aro randi ong•giminrang bakko ra•angaha.

Ia re•jomaaniko dakani miksonganiara, “Serving Those Who Served Us” ba “An•chingna jemangan dangdike on•aha, uamangna dangdike on•skaani” ine pangchakani katta bichongko donenba, budepa ong•gimin sipai-rang baksa nangrimaniko dakna aro nangrimaniko bilakbatatna gita aro unbaksana, uamangni janggi tanganio a•songna dangdike on•anichi on•gillpaanina mitelpilskaaniko dakna ine ong•achim.

Ia manianio aganengon, North-East a•dokrangko aro a•songko chelchakna dangdike on•ahanina aro silroro namroroatna on•gilpaanina Rajasthan-ni sipai-rangko aro budepagimin sipai-rangko, Assam Rifles-ni Directorate General mitelpilskaaniko dakangaha.

Indake ia Program-o, dingtang dingtang man•gni scheme-rangni gimin, Assam Rifles-ni ning•o Sports quota-ni gita kam on•gnini gimin, dingtang dingtang educational institution-rango ba hostel-rango a•kanggimin biaprangni gimin, Ayushman Bharat aro Assam Rifles-ni ning•o on•enggipa Ex-servicemen Contributory Health Scheme-ko bariatani giminba talate on•angjolaha.

Iani gisepon, Veer Naris, Gallantry award-ko man•gipa aro gipin kamoni neng•take dongenggipa manderangna mitelpilskaani gita Assam Rifles-ni Directorate General boksis-rangkoba on•angaha.

Uamangna dakchakaniko on•a man•a gita, choki, chosma, rama chane re•ani goldik, nachil knaatani ostro-rangko aro commode-rangkoba suale on•angjolaha.

Iakoba poraie nina man·gen: Iew Mawphlang-o jabol chimongani gari aro public toilet-ko KHADC-ni CEM oprake on•a

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub