Shillong, March 24: Gital chasongni song·a-chananirangko dakenggipa – Seeti dolrang – March 26 oni 31 tarikona kingking Meghalaya-o gnigipa changna uamangni tom·bimonganiko ong·atanggen jeon a·songni dingtang dingtang biaprangoni chef-rang, golpo agangiparang aro jattangtangna kam ka·gipa manderang re·bae bak ra·anggen.
Ia saldokna ong·atnsienggipa programme Meghalaya a·dokko India-ni dingtangrorobaenggipa cha·a-ringani bewalrango niksengataniko on·na miksongenga aro iano ma·ambioni jakkalbaenggipa song·a-channani bosturang, chasongni chasongna ja·rikbaenggipa dakbewalrang aro a·dokni jatrangni dingtang dingtang nika-nianirangko mesokanirangko dakanggen.
Ia programme-ara a·dokni jatrangni su·uaniko aro chadamberangni changsa-sapaniko mesoka ine a·dokni skotong minister Conrad Sangma aganangaha. “An·chingni songo-noko a·bachengatgipa an·ching dakbewalrang, ge·a-gamanirang, doka-dam·anirang aro song·a-channani bewalrang chasongni chasongna ripingbaenggipa an·chingni man·rikrikbagipa gam-jinrangko mesoka. SEETI 2.0 ia indakgipa dakbewalrangko mania – aro Meghalaya-ni kattarangko a·gilsak gimikona gipatna an·chingni chadamberangna cholrangko on·a. Ian an·chingni janggi tangani bewalko mesoka aro chadamberangni tarisamsoenggipa mikkangchini chasongrangona ja·ku de·ani ong·a,” ine skotong minister aganangaha.
Seeti-ara gipin changrango ong·atrongenggipa food festival-rang gita ong·ja, maina uara metro-rango ba dal·dalgipa songjinmarango dakbaenggiparangko ja·rikja indiba jatrangni dakbewalrango pangchake nikronggijagipa uamangni cha·ani-ringanirangko niksengatani ong·a ine organiser-rang talatangaha.
Ia programme-o dingtangmanchagipa cha·ani-ringanirangko dangdik-sachie on·anggen, a·dokni aro a·songni chef-rang ba song·a-chananiko dakgiparangni gisepo bakrimanirangko dakanggen, ma·ambioni ong·bagipa jatrang baksa uamangni janggi tangani bewalrangko nianggen, aro cha·ani-ringani, manderangni aro biaprangni gisepo nangrimaniko mesokgipa golporangko agananirangko dakanggen.
“Ia programme-ara pangkamgipa aro songni-nokni manderangni jako ra·e ka·gipa tourism-ko dakanina a·dokni niksamsoani baksa melia. A·dokni samtangtangrang, cha·a-ringani bewalrang, aro jatrangni dakbewalrang baksa bakrimani cholko SEETI bikote on·a,” ine Meghalayan Age Ltd.ni Chairman & Managing Director, Dr Vijay Kumar D. aganangaha.
Salgro-Salaramni dingtangmanchagipa su·ugipa cha·ani-ringanirang a·songo niksenganiko man·chipgija dongaha, aro chong·motgipa, songni-nokni manderangni dakdilgipa bewalrangchi ia chanchianirangko dingtangatna Meghalaya-an namgipa a·bachengatani ramako on·enga ine organiser-rang aganangaha.
Uandake, ia programme-ni ning·o song·a-channanirangko dakgipa chef-rang, game-cha·giparang, jakni kamrangko changgipa-sapgiparang aro golporangko agangiparangko damsan rimbaenba, ma·ambioni jakkalbaenggipa song·a-channani bosturang aro ranta ka·anirangko niksengatna, bakrimanirangko dakna, aro saksa sakgipinni u·i-ma·sianirangko agangrike on·na ine miksongenga.
Dingtang dingtang biaprangni cha·ani-ringanirang aro pangkamgipa ge·a-gamani cholrangni bidingo gisik nangbatroroengako nikengani gimin, Meghalaya-o ong·atenggipa Seeti, India-ni Salgro Salaram-ko a·songni cha·ani-ringanio mongsonggipa ge·sa dake channako man·atna krengenga.
Na·simang iakoba nina man·gen:
Na·simang iakoba poraina man·gen: BJP, TTAADC election-na sak 8 candidate-rangko seoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
