Shillong, Oct 25: ‘Sitrang’ balminduri balanganichi a•dokni dingtang dingtang biaprango ong•anggipa obostarangko ma•sie ra•na gita Mongolbar salo, Meghalaya a•dokni Chief Minister Conrad K Sangma, dingtang dingtang deputy commissioner-rang baksa video conference gita tom•aniko ong•atangaha.
While the teams are on the job to estimate the damages in the Districts, the DCs are advised to take a proactive approach
MeECL is instructed to ensure power is restored & all other Depts. are advised to work in cooperation & extend assistance wherever necessary @AmitShah pic.twitter.com/B52Hqxh7gT
— Conrad Sangma (@SangmaConrad) October 25, 2022
Ia tom•anio a•dokni Chief Minister, deputy commissioner-rangna talataniko on•angengon, balminduri balanichi nangchakea man•gipa biaprango ta•raken kamrangko ka•china aro neng•nikanirangko chagrongenggipa nokdangrangna nanga gita dakchakanirangko on•china didiataha.
Balminduri balanio bijolirangba nosto ong•atako man•ahani gimin ta•raken bijoliko on•taipilna man•na gita kamko ka•china ua MeECL-ko didiataha.
Nangchakeako man•gipa nokdangrangna, NDRF-ni dongimin niamrango pangchake Gratuitous Relief-ko ta•raken on•china gitaba Chief Minister, ge•etaniko on•ataha.
