Aizawl, May 23: Pekatgipa bosturangko palbadinganirang Mizoram a·doko batrikrikengon, Police dolrang dontonggija aro gisik nangbee kam ka·anichi re·anggipa salbongani gisepo adita manderangko rim·na man·aha. May 22 tariko Special Narcotics Police Station, CID Crime Department, Aizawlni adita chel·ao donggipa Selesih minggipa biapo sandirikitani kamko a·bachengataha aro kg 80.495 ong·gipa codeine sam botolrangko C. Zosangluri minggipa mandeoniko rim·na man·aha.
Rim·ako man·gipa mandeni agane on·ao pangchake Police dolrang sandirikitaniko dakangkuengon Aizawlni Ramthar Veng ingipako Drugs inspector baksa changdulaha aro kg 179.405 ong·pilgipa codeine rangko jean tangka gong 9,44,500 ni gita ong·achim ukoba rim·na man·taiaha. Rim·ako man·gipa manderangko May jani 22 tariko NDPS Act. ni ning·o Special Narcotics PS Case Ni. 18/25-o pangchake case register ka·angaha.
Police dolrang 193.02 gram ong·gipa drugsrangko Lungle districtni Dawn minggipa songni Rohluzhala minggipa mandeoniko ba rim·na man·aha aro NDPS Actni ning·o Lungle PS Case No.79.25-o mandekoba case register ka·aha. Uni ja·mano gari bolsaoniko rong 40,400 methamphetamine tabletrangko rim·taiaha aro ukoba Khawzawl PS case Ni.17/25-o pangchake case register ka·aha.
CID (SB) aro Special Narcotic Police Station damsan sandianiko dakengmitingo, Myanmar a·songoni Lalkrossmawia aro Ramropuia minggipa manderangni truck garioniko kg 39.151 ong·gipa methamphetamine rangko rim·aha. Aro uamangkoba case register ka·angaha.
Police dolrang iandake pekatgipa bosturangko palbadingatani kamrangko ka·enggiparangko rim·na raken kamko ka·e dosi donggipa manderangko rim·na man·enga. Uamang mikkangchi iandakgipa namgija kamrangko ka·enggiparangko am·sandie kam ka·na rakbate ja·kurangko ga·e kamrangko ka·anggen.
Na·simang ia video-koba nina man·gen:
Na·simang iakoba poraina man·gen: South Kamrup songrango mongma napanirangko a•rikna Forest Department ja•ku de•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
