Tura, Mar 18: Lok Sabha election-ko April 19 tariko ong•atna Election Commission-ni parakatani ja•man joljol Model Code of Conduct (MCC)-koba ra•gatangahani gimin sorkarini biaprango seanirangko, poster tapaniko, banner ba flag kadeaniko champengna gita West Garo Hills a•jani District Magistrate, dingtangmancha Section 144 CrPC-ni ning•o u•iataniko on•angaha.
Ia niamni ning•o, nok nokgipani permission gri manderangni biaprango flag ba banner kadeani aro manderangni garirango flag kadeani aro sticker tapanikoba District Magistrate champengataha.
Gari nokgipa an•tangan gario flag kadena ba sticker-rangko tapna on•genchimoba uan ramao re•ruraenggipa gipin manderangna maming man•dikatani ba bringbrangatanirang ong•na nangjawa ineba District Magistrate u•iataha.
District Magistrate-ni u•iatani gitade, para salgipa garirangoba District Election Officer ba Returning Officer-ni permission-ko ra•chenggijade, flag-rangko kadena ba sticker-rangko tapna man•jawa.
Election-ni kamrang matchotkujaskal, West Garo Hills a•jao silchidare ba gopretani bosturangko ra•bitna man•jawa indiba ian sipai dolrangnade nangchakeani dongjawa ineba District Magistrate u•iataha.
Indake ong•engon, West Garo Hills-oba Model Code of Conduct-ko ra•gatahani gimin dongimin niamna bate tangka ra•bitani, pekatgipa samrang ba chu ra•bitaniko Flying Squad/SST/Video team-rang nirikkianggen ine District Magistrate u•iataha.
Na·simang ia video-koba nina man·gen:
Na·simang iakoba poraina man·gen:M’laya-ko CAA-oni chu•gimik watchina aro ILP-ko ra•gatchina dol 3 NGO-rang dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
