Tura, Oct 5: Bilsi 40 batpile galchipe donenggipa Baromile-Chokpot ramako tarina gita Meghalaya sorkari bakan tangka paisarangko chame on•gnok ine a•dokni Chief Minister Conrad K Sangma, Garo Students Union (GSU) Silkigre unit-ni dilgiparangna ku•chakataha.

Ia ramako ta•raken tarie on•china gita Sombar salo GSU Silkigre unit-ni dilgiparang, uko gronge agangrikeani somoio Chief Minister, uamangna ia ku•rachakaniko on•ataha ine GSU Silkigre unit-ni general secretary Chingkam Ch Sangma parakataha.

“Baromile-oni Chokpot-ona dakanggipa ramako tarina gita bakan gong kror 44 tangkarangko chame on•atgnok ine Chief Minister, chingna ku•rachakaniko on•ataha aro uni ku•rachakaniko man•ahani gimin chinga namen kusi ong•a,” ine GSU Silkigre unit-ni general secretary parakataha.