Shillong, Sept 10: A·doko bijolini neng·nikanirangko namatna dingtangmancha helpline number 1971-ko a·dok sorkari a·bachengataha ine Budbar salo a·dokni Skotong Minister Conrad K Sangma Assembly-na parakataha.
Bijoli-na neng·nikaniko nanggipa manderangna u·iatna dingtangmancha chol dongja ine manderangni parakatanina aganchakna inenba ia cholko online on·enga, aro manderang bijolini bidingo neng·nikanirangko u·iatna 1971-ona pring 8 bajioni wal 8 bajiona ka·atna man·gen ine Sangma parakataha.
Manderang an·tangtangni neng·nikanirangko biaptango agangipa ku·sikrangchi aganatna man·gen.
Joint Secretary-in-charge iani nodal officer ong·enga aro pilak neng·nikanirangko Chief Minister-ni Office (CMO) niatenga.
“Data-base-ko jakkale aro pilak departmentrang baksa nangdime kamrangko ka·enga jedakode neng·nikanirangko somoi gita namatna man·gen,” ine ua aganaha.
Uandake hajalni hajal call-rangko man·soaha aro uanoni chang 1,000-ba baten power department-na ka·atgiparang ong·a ine Sangma parakataha. Bijoli-ni bidingo ka·atgipa-oni 90% neng·nikanirangko namataha aro uarang bang·batan bijoli siani aro transformer-rangni nosto ong·ani bidingo ong·a ine ua agandapaha.
Manderangni ka·ate neng·nikanirangko aganaton, bakbakan uko kam ka·gipa manderangna aganata jedakode kamrangko ta·raken a·bachengatna man·gen ine CM u·iataha.
“1971-ona je mandeba ka·atna man·gen aro an·tangni neng·nikanirangko u·iatna aro sorkarini scheme-rangni gimin sing·e ra·na man·gen. Chinga iarangko a·song gimikon chalaina man·a gita kam ka·enga, jeon manderang 0364 code-ko jakkale 1971-ona ka·ate aganatna man·gen,” ine Sangma agana baksana, US-o 911-ko jakkala gita dakgipa cholko ra·bana jotton ka·enga ine parakataha.
Uandake manderangna dangdike on·anirangko namdapatna sorkari krenge kamrangko ka·enga ine ua manderangna u·iataha.
Na·simang iakoba nina man·gen:
Na·simang iakoba poraina man·gen: Ri-Bhoi-o man·gipa grengarigipa manggisiko Ummar songoni gimagipa mande ine u·ina man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
