Tura, Aug 1: Bilsi 30 aro una batgimin manderangna Sukrobar salo, District Non-Communicable Disease Clinic, West Garo Hills-ni , baksa nangrime, Cancer Screening program-ko Tura Civil Hospital-o ong•atangaha.
Ia Cancer screening program-ko ong•atgipa official-rangni u•iatani gitade, cancer saaniko seng•gnang ma•sie ra•na man•genchimode, sagipa mandeko sanna bananio chu•gimik nampilatna man•ani cholrang dongani gimin ia cancer-na porikka ra•e niani program-ko bilsi 30 aro una batgimin manderangna ong•ataha.
Ia Cancer screening-ko Tura Civil Hospital-ni sak 10-mangni gita doctor-rang dake on•aha aro uamangna hospital-ni nurse-rang aro gipin kam ka•giparangba dakchake on•aha.
Ia cancer screening program-ona bang•bea manderang re•bae bak ra•angtokaha aro manderangko dingtang dingtang cancer saanirang, jekai oral cancer, breast cancer aro uandakgipa cancer saanirangna porikka ra•e niangaha.
Cancer screening dakanio, manderangni an•chirangkoba porikka ra•e niangjolaha.
Na·simang iakoba nina man·gen:
Na·simang iakoba poraina man·gen: Ampati SHG-ni gital dokkanko SWGH-ni DC nokdonggae on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
