Boko, Jan 27: Boro jatrangni Bathou Puja-ko, Boko-ni Assam-Meghalaya sima ari sambao donggipa Kathalpara-o ga·subee maniangaha. Kathalpara Bathou Samiti-ni bilsi 25 gapaniko gisik ra·ani bak gita ia manianiko salgnina ong·atangaha.
Ia manianiko Boro jatrangni dakbewal rikbewalo gita chong·motan rongtalgipa Sijou bolrangko ge·ani, chakkirang aro similgipa cha·chatrangko so·an baksana bi·anirang aro prasad-rangko on·anichi a·bachengataha, jeon South Kamrup District Bathou Mahasabha-ni President Bishnu Basumatary, Guwahati Municipal Corporation-ni Mayor Mrigen Saraniya aro Rabha Hasong Autonomous Council-ni Executive Member Arjun Chettri-ba dongpae bak ra·angpaaha.
Bishnu Basumatary, Boro jatrangna Bathou Puja-ni gamchatani bidingo tom·anio jinmana aganprakangan baksana manderangni tom·tomanina, ku·mongnangrimanina aro namroro silroroanina bi·chakanikoba dakangaha. Mayor Mrigen Saraniya, Assam aro ma·mong sorkari tribal jatrangni namgnina kamrangko ka·enga ine aganengon, Prime Minister Narendra Modi, Bathou Puja-ko name manianio Boro jatrangna dakchakaniko on·a miksonganio January jani 17 tariko state holiday-ko parakataha ine janapataha.
Ia Silver Jubilee ba bilsi 25 gapaniko manianiara, Boro jatrangni bebe ra·ani mangrakani aro jatni dakbewal rikbewalo rasong chaaniko mesoka.
Na·simang iakoba nina man·gen:
Na·simang iakoba poraina man·gen: M’laya Assembly-ni Budget Session-ko Feb 16 tarikoni a•bachenggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
