Tura, April 18: West Garo Hills Auto Association-ni Lucky Draw ong·atanio mitam chegiparang uamangni boksisrangko jarang batangpilahaoba man·kuja ine Social activist Eman Ch Marak matnangaha.
February 7 tariko New Tura kal·chakramo ong·atgioa Lucky Drawni chegiparangko parakatahaoba aro tikit chong·mot dongoba adita chegiparangkon senge dongatenga ine Turani Superintendent of Police (SP)-na badi ka·anio Marak janapaha.
Marakni matnangani gitade, 5gipa boksis Maruti Celerio aro 2gipa boksis Scooty Ntorg boksisrangko on·atkujaenga.
Chegiparang changni chang boksisrangko ra·na am·oba ong·atgiparang joksretani aro pa·sikani kattarangko agane ru·utatenga ine ua matnangaha.
Marakni a·kangani gitade, ong·atgiparang name dake u·iatanirangko on·ja baksana uamangni kam ka·ram biap ba office-koba talatja, jean chegiparangko uamangni boksisrangko a·kange ra·na neng·nikatenga.
Ia obosta ong·aniara chanchina nangbeani, parake dakgijaniara jinmani ka·dongchakaniko komiata aro cha·boke cha·ani ong·a ine Marak aganaha. Indake dakanichi A·chik jat gimikni mikkim-rasongko ong·siataniona ra·bana ama ineba Marak ku·wataha.
Bangki dongkua boksisrangko chong·mot chegiparangna ta·raken on·na nanga ine ua dabiaha. Ong·atgiparang iako chu·sokatna man·jaode niam gita ja·ku de·e High Court-ona sokangatgen ine ua mikrakataha.
Ia a·selko bil ganggiparang jakora·e che·em che·em sandianiko dakchina aro chegiparangna kakket bichalko on·china Marak didiataha,
Na·simang iakoba nina man·gen:
Na·simang iakoba poraina man·gen: Tinsukia-o a·sel ong·anichi sakgni chadamberang janggi gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
